– Lean ilus go Sámediggi váikkuha dasa ahte sámi oahppit geat leat mielde kampánjjas besset lohkat iežaset gillii. Diibmá lohke olu mánát Sommerles-muitalusa mii lea jorgaluvvon sámegielaide, muhto mun sávan ahte mánát olahit lohkanolahusa dán jagi, dadjá sámediggeráđđi Maja Kristine Jåma (NSR).

Mánát ráhkadit profiilla Sommerles.no-neahttasiiddus, sisačállet buot maid lohket kampánjaáigodagas ja čogget čuoggáid juohke lohkkon siiddu ovddas. Čuoggáid lassin sáhttet mánát maid oažžut digitála vuoittuid ja bivnnuhis vuoittuid maid sáhttet girjerádjosis viežžat. Neahttasiiddus sáhttet maid lohkat muitalusa "Idja girjerádjosis", maid Mari Moen Holsve lea čállán erenoamážit kampánja váras, ja mii lea jorgaluvvon golmma sámegillii.

Sommerles.no lea bures lihkostuvvan máŋggaid jagiid. Kampánjja mihttu lea movttiidahttit mánáid lohkat nu olu go oba nagoditge olles geasseluomu.

ommerles.no lea mánáide 1.-7. luohkkái ja bistá geassemánu 1. beaivvi rájes borgemánu 31. beaivvi rádjái.

Vestfold ja Telemark fylkesbibliotek ja Snuti AS leat ovdánahttán kampánja.

Fina Sommerles.no neahttasiiddus