Sámedikki bealis celke váimmolaš oassádallandearvuođaid Majestehta Dronnet Sonjai, Majestehta Gonagassii, muđui gonagasbearrašii ja buot Gonagas Haralda lagas olbmuide dán lossa áiggis.
Gonagas Haraldis lea leamaš lagas oktavuohta Sápmái ja sámiide olles iežas barggu ja dagu áigge. Son lea leamaš čohkkejeaddji olmmoš, ja su sánit ja dagut leat leamaš hui mávssolaččat sámiid dohkkeheapmái álbmogin ja sámi servvodaga ovdáneamis.
Sámedikki rahpamis 1997:s dajai Gonagas Harald ahte Norgga stáhta lea vuođđuduvvon guovtti álbmoga eatnamiidda, dáččaid ja sápmelaččaid, ja dat sánit leat oassin min historjjás. Sámi álbmot, min historjá ja min sadji Norggas čielgasit dohkkehuvvui daiguin sániiguin.
Máŋggaidlogiid jagiid áiggis lea Gonagas Harald galledan sámi báikegottiid ja deaivvadan olbmuiguin miehtá Sámi. Son lea čájehan árvvusatnima, viisodaga, duohta beroštumi. Sámi searvevuhtii ja sámiid ja Norgga stáhta oktavuhtii lea leamaš hui mávssolaš go son nu čielgasit lea dohkkehan min gielaid, kultuvrra ja árbevieruid.
Mii muittašit gonagasa gii árvvus anii sámi álbmoga, ja gii iežas eallinbarggu olis nannii min saji ja árvvu Norgga searvevuođas.
Min jurdagat leat Majestehta Dronnet Sonja, Majestehta Gonagasa, muđui gonagasbearraša ja buot Gonagas Haralda lagas olbmuid luhtte.
Ollu giitu, Gonagas Harald.
Sandra Márjá West
Sámedikki dievasčoahkkinjođiheaddji
Silje Karine Muotka
Sámediggepresideanta