Loga mánáidsuodjaluslága davvisámegillii

Duogáš dasa go dál lea jorgaluvvon láhka, lea ahte Sámediggi lea čujuhan ahte ferte álggahit doaibmabijuid mat huksejit luohttámuša mánáidsuodjalusa ja sámi mánáid ja váhnemiid gaskii. Maiddái Vuođđoláhka nanne ahte stáhta galgá láhčit dili nu ahte sámi álbmot, nugo eamiálbmot, galgá beassat sihkkarastit ja ovddidit iežas giela, iežas kultuvrra ja iežas servodateallima. Go láhka lea gávdnamis sámegillii, de nannejuvvojit mánáidsuodjalusa eavttut vuhtiiváldit máná giela, identitehta ja kultuvrralaš duogáža - nugo láhka ieš gáibida.

Ulbmil lea ahte jorgaluvvon láhka galgá leat dehálaš reaidun sihke sámi mánáide ja bearrašiidda, mánáidsuodjalusbálvalusaide, advokáhtaide, mánáidsuodjalus- ja dearvvašvuođadoaibmalávdegoddái ja duopmostuoluide.