Máŋga buori juolludeamit vaikko leatge unnán ruđat

Sámediggeráđđi lea juolludan oktiibuot 22,7 millijovnna ruvnno dábálaš ja erenoamáš heivehuvvon oahpponeavvuid ovddideapmái. – Go leat boahtán ohcamat badjel 100 millijovnna ruvnno ovddas, de lea dán háve gáibidan garra vuoruhemiid, dadjá sámediggeráđđi Mikkel Eskil Mikkelsen.

Mikkel Eskil Mikkelsen Ørjan Marakatt Bertelsen

Dán jagi juolludusain lea sámediggeráđđi addán 15,3 millijovnna ruvnno doarjjan oahpponeavvuid ráhkadeapmái mat gullet fágaide sámegiella nubbingiellan, sihke julev- lulli- ja davvisámegielain, mii lea veahkkin gokčat fágasurggiid main dál váilot oahpponeavvut.  

– Mun lean duhtavaš juolludemiiguin ja oainnán ahte dat addet buori jođu ja progrešuvnna fágain, seammás go prošeavttain leat digitála oahpponeavvut mat vástidit dálá láhkagáibádusaid ja vuordámušaid, lohká sámediggeráđđi Mikkel Eskil Mikkelsen (NSR).  

– Mii leat maid ilus go dál ráhkaduvvojit oahpponeavvut sámegielas vuosttašgiellan 1.-4. ceahkkái, ohppiide geain lea seavagiella, lohká sámediggeráđđi Mikkelsen.   

Eará ođđa fága mas galget ráhkaduvvot oahpponeavvut lea Sámi musihkka ja lávdi. Dát lea okta erenoamáš sámi fágain joatkkaskuvlla oahpus masa Sámediggi mearrida oahppoplána ja mas dasto lea erenoamáš ovddasvástádus.  

Lea mearkkašahtti ahte dárbbašuvvojit oahpponeavvut mánáide ja ohppiide geat dárbbašit erenoamáš heiveheami. Dál váilot girjjit maid lea álki lohkat iešguđet dásiin ja fágasurggiin erenoamážit gaskadásis bajit dásiid ohppiide.  

– Danne illudahttá go dál lea addojuvvon doarjja ovddidit universálalaččat hábmejuvvon oahpponeavvoprošeavtta álkeslohkangirjjiiguin, mas leat guovddáš fáttát. Dat gusket fágaide sámegiella, servvodatfága, luonddufága, ROEE/KRLE ja biebmu ja dearvvašvuođafágii, sihke lulli-, julev- ja davvisámegillii, lohká Mikkelsen.  

Oahpponeavvut galget ovttastahttot teavsttaiguin, jienaiguin ja govaiguin, ja maiddái fállat variašuvnna ja heivehemiid ohppiidjoavkko girjáivuođa searvevuođa siskkobealde. Dát lea gelddolaš oahpponeavvu mii plána mielde galgá leat gárvvis ovdal skuvlaálgima 2026:s.  

Sámediggi lea bargan buoridit oahpponeavvoprošeavttaid ovdánemiid, ja effektiviseret buvttadanáiggi Sámedikki oahpponeavvoráhkadeami doaibmaplána ektui, ja dat leat addán bohtosiid. Sámediggi áigu meannudit ođđa doaibmaplána oahpponeavvoráhkadeami várás juovlamánus, ja áigu dan oktavuođas ovddidit ođđa vuoruhemiid dievasčoahkkima meannudeapmái. 

FágasuorgiGiellaNammaOhcci

Doarjja

Sámegiella nubbingiellan, sámegiella 2, 1.-4. ceahkkiMáttasámegiellaLearnlab sørsamisk som andrespråk, samisk 2, 9.-10.trinnLearnlab

2 937 250

Sámegiella nubbingiellan, sámegiella 2, 9. ja 10. ceahkkiMáttasámegiellaLearnlab sørsamisk som andrespråk, samisk 2, 1.-4.trinnLearnlab

2 743 500

Sámegiella nubbingiellan, sámegiella 2, 8. ja 10. ceahkkiJulevsámegiellaOversette og tilpasse læreverket ÁbasNordland fylkeskommune

3 380 418

Sámegiella nubbingiellan, sámegiella 3, 5-6 dássi, joatkkaoahpahusMáttasámegiellaSørsamisk - Samisk som andrespråk, samisk 3, nivå 5 og 6 VGOTV2 skole

1 900 000

Sámegiella nubbingiellan, sámegiella 3, 5-6 dássi, joatkkaoahpahusJulevsámegiellaLulesamisk - Samisk som andrespråk, samisk 3, nivå 5 - 6TV2 skole

1 900 000

Sámegiella nubbingiellan, sámegiella 3, 5-6 dássi, joatkkaoahpahusDavvisámegiellaNordsamisk - Samisk som andrespråk, samisk 3, nivå 5 og 6TV2 skole

2 500 000

Sámegiella 1 ohppiide geain lea mearkagiella, 1.-4. ceahkkiMearkagiellaGiellašaldi 1-4 heivehuvvon mearkagilliiDavvi Girji

2 632 844

Sámi musihkka ja lávdiDavvisámegiellaSámi musihkka ja lávdiDavvi Girji

994 538

Earenoamážit heivehuvvon oahpponeavvut - Álkes lohkangirjjit iešguđet dásiide ja fágasurggiide, 5. ceahki rájesMátta-, julev- ja davvisámegiellaNord-, lule- og sørsamisk - særskilt tilrettelagte læremidlerTV2 skole

1 000 000

Earenoamážit heivehuvvon oahpponeavvut – KonkretiserenmateriálatMátta-, julev- ja davvisámegiellaDievasmahttit VVV oahpponeavvuČálliidlágádus

1 665 168

Særskilt tilrettelagte læremidler – KonkretiseringsmateriellDavvisámegiellaMaid dadjet? 2 ja 3 rávagirjjit kopiijaoriginálaiguinDavvi Girji

1 057 201

 

Almmuhuvvon 10.10.2024 14.58
Maŋemusat rievdaduvvon 22.10.2024 11.13

Juogadanboalut