Northcape King Crab, gos Karlsen lea ásaheaddji ja mieleaiggát, áigu geavahit dan ođđa industriijakáija hukset vuostáiválddáhaga ja oastit vuođđoávdnasa. Lassin gonagasreabbáealáhussii de doaimmaha fitnodat maiddái mátkeealáhusa guovllus.

-Mii leat ilus go sáhttit doarjut káija viiddideami ja ođasmahttima Sárranjárggas. Dát prošeakta ii nanne dušše dan báikkálaš ealáhusdoaimma, muhto váikkuha maiddái guovllu guoddevaš ovdánahttimii ja árvoloktema lasihit. Mii illudat oaidnit daid positiiva beliid maid dát buktá báikegoddái, dadjá sámediggepresideantta Silje Karine Muotka (NSR).

Doarjja boahtá Mariidnaealáhus doarjjaortnega bokte