Duohtavuođa- ja soabadankommišuvnna raportta meannudeapmi šaddá historjjálaš dáhpáhus Sámedikki dievasčoahkkimis, ja dat stuorámus eaŋkilášši maid Sámediggi lea ožžon gieđahallamii dán rádjái. Sámediggeráđđi ovddida oktiibuot 8 ášši njukčamánus mat kommenterejit raportta. 

Silje Karine Muotka Ørjan Marakatt Bertelsen

– Sámediggeráđđi atná kommišuvnna árvvoštallama ahte soabadeapmi lea guhkes proseassa ja boartte áiggi mihttomeari doarjjan. Hui olu gulaskuddancealkámušat atnet beroštupmi das ahte ferte leat várrogas bidjat deattu joavkkuide soabadit, ja ahte ferte vuos divvut olu maid leat mássán. Sámediggeráđđi evttoha olu doaibmabijuid mat sáhttet váikkuhit dasa, lohká Sámediggepresideanta Silje Karine Muotka (NSR).

Dát lea Sámedikki vuosttaš gieđahallan raporttas, ja árvvoštallá dan bajit dási ja fáttáid mielde cakkiid ektui maid kommišuvdna lea gávdnan. Dasa lassin lokte sámediggeráđđi sierra áššiid olmmošlaš vahágiid ja ealáhusa birra. Sámediggeráđđi áigu máhccat dievasčoahkkimii sierra áššiiguin mat geahčadit daid sierranas diliid mat gusket báikegottiide sámi guovlluin.  

Sametingsråd Runar Myrnes Balto Ørjan Marakatt Bertelsen

– Duohtavuođa- ja soabadankommišuvnna raportta čuovvuleapmi guoská olles sámi álbmogii, ja mii leat ilus go oaččuimet hui olu gulaskuddancealkámušaid. Daid mii leat áimmuhuššan nu bures go sáhttit iežamet meannudeamis. Mii oaidnit ahte leat stuorra dárbbut doaibmabijuide juohke sajis, ja oaivvildit ahte lea dárbu deaivvadansajiide buot sámi guovlluin. Buot sápmelaččat fertejit oažžut vejolašvuođa váldit maŋás rámisvuođa, kultuvrra, árbevieruid dahje giela, jus sii háliidit dan, dadjá sámediggeráđđi Runar Myrnes Balto (NSR).

Buot áššit mat galget meannuduvvot Sámedikki dievasčoahkkimis njukčamánu 6.-8. beivviid, leat dál rabas almmolašvuhtii Sámedikki ruovttusiiddus.

Dás gávnnat dievasčoahkkináššiid (áššit almmuhuvvojit dađistaga go leat gárvásat):

Duohtavuođa- ja soabahankommišuvnna raporta - Sámedikki bajitdási árvvoštallamat

Duohtavuohta ja soabadeapmi - Olmmolaš golut

Duohtavuohta ja såbadibme –Vuostasj (1) nihta: Máhtto ja gaskostibme

Duohtavuohta ja såbadibme - Nuppát (2) nihta: Giella ja åhpadus

Saetniesvoete jïh likteme - Tsegkie 3: Kultuvre jïh kultuvremojhtesh

Duohtavuohta ja soabadeapmi - Pilára 4: Riidduid eastadeapmi

Duohtavuohta ja soabadeapmi - Pilára 5: Njuolggadusaid implementeren

Duohtavuohta ja soabadeapmi - Ealáhusat