Guovvamánu 6. beaivvi ávvuduvvo sámi álbmotbeaivi dan vuosttaš sámi riikačoahkkima muitun, mii dollojuvvui Metodistagirkus Troanddimis 1917:s. Dát čoahkkin lei vuosttaš gearddi go sámit čoahkkanedje bargat oktasaš áššiiguin našunálastáhta riikkarájiid rastá. Vuosttaš geardde go beaivi ávvuduvvui, lei 1993:s.
– Sámediggi čalmmustahttá sámi álbmotbeaivvi sihke smávva báikkiin ja stuorra gávpogiin, davvin ja lulde riikkas. Sámediggi illuda dán stuorra beaivái ja sávvá ahte nu ollugat go vejolaš servet ávvudeapmái, leaš dál báikkálaš doaluin dahje ruovttus, dadjá Sámedikki gulahallandirektevra Inger Elin Kristina Utsi.
Dasa lassin oassálastá maid sámediggeráđđi eará doaluin mat lágiduvvojit eará beivviid sámi álbmotbeaivvi ja sámi vahkuid oktavuođas.
– Sámediggi sávvá olu lihku ávvudemiin, dadjá Utsi.
Dievasčoahkkinjođiheaddji Tom Sottinen
Oassálastá sámi álbmotbeaivvi ávvudeamis Čáhcesullos guovvamánu 6. beaivvi dii. 16.30-19.00, Kooperativet Kulturscene-báikkis, ja doallá sártni beaivvi oktavuođas.
Presideanta Silje Karine Muotka
Oassálastá sámi álbmotbeaivvi ávvudeamis Lávggus Álttás guovvamánu 6. beaivvi dii. 08.30-10.00, Álttá fuolahusguovddážis, ja doallá sártni beaivvi oktavuođas.
Oassálastá sámi álbmotbeaivvi čalmmustahttimis UiT Norgga árktalaš universitehtas Álttá campusis Guovvamánu 6. beaivvi 10:00-13:00, gos lea seminára sámi mánáidsuodjalusa birra. Presideanta doallá sártni.
Oassálastá maid sámi álbmotbeaivvi ávvudeamis BUL-hállas Álttás seamma beaivvi dii. 16:30-20:00, gos son maid doallá sártni.
Sámediggeráđđi Maren Benedicte Nystad Storslett
Oassálastá sámi álbmotbeaivvi čalmmustahttimis Sámi allaskuvllas Guovdageainnus guovvamánu 6. beaivvi dii. 10.00-11.00, gos son doallá sártni beaivvi oktavuođas.
Oassálastá maid sámi álbmotbeaivvi ávvudeamis Guovdageainnus maŋŋil seamma beaivvi, dii. 15.00-18.00, maid Guovdageainnu Sámiid Searvi lágida Čoarvemáddagis (Beaivváš sámi našunálateáhtera ja Sámi joatkkaskuvlla ja boazodoalloskuvlla oktasaš viesus), gos doalut loahpahuvvojit dánsunčájálmasain Birget – Ways to deal, ways to heal.
Sámediggeráđđi Runar Myrnes Balto
Oassálastá sámi álbmotbeaivvi ávvudeamis Davvi álbmogiid guovddážis Olmmáivákkis, Gáivuonas, guovvamánu 6. beaivvi dii. 16.00-18.00, gos son doallá sártni.
Sámediggeráđđi Maja Kristine Jåma
Oassálastá sámi álbmotbeaivvi ávvudeamis Oslo ráđđeviesus guovvamánu 6. beaivvi dii. 11.00-13.00, gos son doallá sártni.
Son searvá Kunstnerforbundet sámi álbmotbeaivvi čalmmustahttimii guovvamánu 6. beaivvi dii. 13.30-15.00, gos galgá leat dáiddárságastallan guvttiin sámi dáiddáriin, Inga-Wiktoria Påve ja Marry Ailonieida Sombán Mari.
Searvá maid sámi álbmotbeaivvi ávvudeapmái Oslo Sámi Viesus dii. 15.00-16.00, ja eahketdoaluide Oslo Sámi Viesus dii. 21.00 rájes, go lea Kari Heimen-konsearta ja rabas juoiganmikrofovdna.
Sámediggeráđđi Elisabeth Erke
Oassálastá sámi álbmotbeaivvi ávvudeamis Deanu máŋggageavahusvisttis Deanus guovvamánu 6. beaivvi dii. 17.00-18.00, ja doallá sártni beaivvi oktavuođas.
Politihkalaš ráđđeaddi Sandra Márjá West
Oassálastá sámi álbmotbeaivvi čalmmustahttimii giliviesus Moskaluovttas guovvamánu 6. beaivvi dii. 11.15-13.00, gos son doallá sártni beaivvi oktavuođas.
Oassálastá maid sámi álbmotbeaivvi ávvudeapmái Romssas guovvamánu 6. Beaivvi dii. 15.30-18.30, Radisson Blu-hoteallas, gos son doallá sártni beaivvi oktavuođas.
Politihkalaš ráđđeaddi Nils Ante Eira
Oassálastá sámi álbmotbeaivvi čalmmustahttimis Álbmotmeahcceguovddážis Sálat (Saltdal) suohkanis guovvamánu 6. beaivvi dii. 14.00-15.00, gos son doallá sártni beaivvi oktavuođas.
Maŋŋil seamma beaivvi oassálastá sámi álbmotbeaivvi ávvudeamis Stoarmmo Sáme guovdátjis Bådåddjos dii. 18.00-19.00, ja doallá sártni beaivvi oktavuođas.
Politihkalaš ráđđeaddi Anne Henriette Nilut
Galleda Márkománák sámi mánáidgárddi Skániin guovvamánu 6. beaivvi dii. 10.00-11.00.
Oassálastá maŋŋil seamma beaivvi dii. 12.30-14.00 sámi álbmotbeaivvi čalmmustahttimis Hársttákas, UiT Norgga árktalaš universitehta Hárstták-campusis, gos son searvá gulahallanságastallamii Samisk nok Davvi-Norgga universitehtabuohcciviesu PhD-studeanttain Anita Vaskinn.
Oassálastá maid sámi álbmotbeaivvi čalmmustahttimii Várdobáiki sámi guovddážis Skániin guovvamánu 6. beaivvi dii. 14.00-18.00, gos son doallá sártni beaivvi oktavuođas.
Dievasčoahkkinjođihangotti lahttu ja sámediggeáirras Kristin Sara
Oassálastá sámi álbmotbeaivvi čalmmustahttimis Tyven-báikkis Troanddimis, gos lea klubbaeahket dii. 19.00 rájes sámi biepmuin, musihkain ja ságastallamiin.