Geassemánu 13. beaivvi rahppo ođđa sámi čájáhus Norgga árktalaš universitehtamuseas. Čájáhus lea sámi kulturmuittuid ja kulturhistorjjá birra Romssa guovllus ja lea earret eará huksejuvvon Sámedikki kulturmuitoiskkademiid ala Rávdnjemuohkis (Finnheia) Sálliris (Kvaløya) ja Romssavákkis (Tromsdalen).  

Čájáhusa rahpama oktavuođas almmuha Sámediggi neahttalogaldallamiid "Rávdnjemuotki - kulturminner og livshistorier" (Rávdnjemuotki - kulturmuittut ja eallinmuitalusat") (2021) ja "Dalens skjulte fortid" (2024) “ (Vákki čihkkon vássánáigi). Logaldallamat dollojuvvojedje Norgga árktalaš universitehtamuseas ja Perspektivet Museas ja logaldalli lea arkeologa Stine Benedicte Sveen.

Vuoigatvuođat fágalaš sisdollui: Stine Benedicte Sveen

Neahttalogaldallan Rávdnjemuotkki (Finnheia) birra Sálliris (Kvaløya) Romssas

Neahttalogaldallan Romssavákki (Tromsdalen) birra