Sámediggi lea dán vahku ožžon máhcahagaid ahte muhtimat geat leat riekta deavdán skovi dieđihit iežas válgajienastuslohkui liikká ožžot dieđu ahte eai deavdde eavttuid.

Dát leat boasttuvuođat, ja Sámediggi lea systemáhtalaččat bargan njulget dáid boasttuvuođaid, ja mii leat maid iskan vuogádaga. Mis eai leat indikašuvnnat ahte lea ain boasttuvuohta vuogádagas. Mii leat ožžon 42 ođđa sisadieđiheami ohcanskovi maŋŋel go boasttuvuohta lea njulgejuvvon main ii leat dát boasttu diehtu.

Ikte lea sáddejuvvon reive sidjiide geat leat ožžon dán teakstaoasi mas lea boasttuvuohta.

Sámediggi bivdá olbmuid dieđihit Sámediggái, jus fuomášit boasttuvuođaid sisadieđihanskovis. Váldde oktavuođa Sámedikkiin e-boastta bokte samediggi@samediggi.no dahje telefovnna bokte 78 47 40 00.