– Mii fertet fuolahit ahte luossabivddu árbemáhttu ii dušše váldojuvvo vára, muhto oažžu maid dan árvvusatnima maid ánssáša. Ii leat dušše dieđalaš dáhtaid maid galgá lohkat, muhto lea seammá dehálaš guldalit sin geat leat bivdán buolvvaid čađa, dadjá sámediggepresideanta Silje Karine Muotka.

Prošeakta huksejuvvo ovdalis luossaságastallamiid ala mat leamašan Deanus, Kárášjogas ja Ohcejogas, ja ovdánahttojuvvo dál sierra nuoraidprográmman. Luossaságastallan lea deaivvadanbáiki gos árbevirolaš máhttu ja ođđaáigásaš dutkan deaivvadit duddjot áddejumi ja ovttasbarggu. 

Sáhtát lohkat eanet luossaságastallama birra dás.

– Oassálastin globála fierpmádagas addá nuoraide sihke áddejumi ja čeavlli. Go nuorat ožžot liibba oassálastit dákkár searvevuođain, nanne dát sihke kultuvrra ja boahttevaš dehálaš resurssaid hálddašeami, dadjá Muotka.

Lassin dáid nuorra ambassadevrraid oassálastet Villakssenter bargit maid.

Juolludeapmi lea addon Sámedikki Guovlluovdánahttinprošeavttaid juolludanortnega bokte.