Jon-Christer Mudenia Árvu/Sámediggi

– Konsultašuvnnaid bokte mat mis ledje Dálkkádat- ja birasdepartemeanttain, barggaimet dan ovdii ahte sámi meahcásteapmi dohkkehuvvo deaŧalaš oassin sámi kulturvuođus ja vuođđovuoigatvuohtan. Das eat lean ovttaoaivilis, lohká sámediggeráđđi Jon-Christer Mudenia.

Sámediggeráđđi muitala baicca ahte sohpe ahte das galgá ráhkaduvvot láhkaásahusvuođđu mas sámi meahcásteapmi deattuhuvvo.

– Mohtorjohtolatlága konsultašuvnnaid bokte oaččuimet čađa máŋga čuoggá, ja dainna leat duhtavaččat, joatká son.

Sámi meahcásteapmi lea dehálaš vuođđu sámi kultuvrii máŋgga guovllus ja bearrašiin, ja sámediggeráđđi deattuha ahte lea dehálaš dohkkehit ja addit olbmuide vejolašvuođa beassat meahccái mannat ávkkástallat luonddu, maiddái ođđaáigásaš fievrruiguin. 

Loga ođđa mohtorjohtolatláhkaevttohusa ráđđehusa neahttabáikkis