Našunála 2030 ávvudeami našunála lávdegoddi, Norga duhát jagi, mas sámediggepresideanta Silje Karine Muotka lea lahttu. Johan Matteus Triumf, Sámediggi

Lávdegoddi, maid stuoradiggepresideanta Masud Gharahkhani jođiha, galgá doaibmat "uksaleahkkun", ambassadevran ja váikkuhit dasa ahte ávvudeapmi sajáiduvvo lahtuid surggiid ja fierpmádagaid siskkobealde.  

Loga eanet Našunála 2030 ávvudeami našunála lávdegotti birra

Lávdegoddi álggahii iežas prográmma sotnabeaivvi go fitne Bjarkøy-sullos Hárstták suohkanis Romssas, gos sii ledje mielde sámi-dáru ávvuipmilbálvalusas Bjarkøy girkus. Maŋŋil seamma eahkeda lei lávdegoddi mielde ávvokonsearttas Hærena musihkkakorpsain Bjarkøyas. 

Odne lei lávdegottis álggahančoahkkin, maid álggahii mánáid- ja bearašministtar Kjersti Toppe. Álggadettiin digaštalai lávdegoddi mandáhttaevttohusa ja viidáset barggu ja bargohámi.

Našunálaávvudeami mihttun lea geahččat 1000 jagi maŋos áiggis, muhto maid fokuseret dálá dillái ja boahtteáigái, ja sis leat vihtta árvvu vuođđun ja vuolggasadjin; oktavuohta, árvvut, identitehta, árbi ja ođasmahttin. Oassin ávvostafeahtas, mii álggii 2021:s ja galgá bistit 2030 rádjai, boahtá jagi 2027:s lea sámi fáddá mas lea bajilčála «Gullevašvuohta».

Loga eanet 2030 Našunálaávvudeami birra, Norga duhát jagis