Trym Iver Bergsmo govva Náitalansilbbat ja Outi Pieski litografiijat Golbma oappáža / Tre systrar / Three Sisters ja Gahpiraš / Sweet Hat Mountain čájehit visuála dulkoma sámi identitehtas, symbolihkas ja eanadagas. 

Dáidagiid lassin čájehuvvojit árbevirolaš duojit ja atnudiŋggat, earret eará Per-Stefan Idivuoma garraduojit, guksi maid Jon Utsi lea duddjon ja máŋga dipmaduoji, nugo gahpirat, lávkkat ja gápmagat maid Solveig Blind Labba, Miriam Länta ja Lisbeth Kielatis leat duddjon.

Čájáhus čalmmustahttá sámi hutkás ealáhusa viidodaga, mas árbevirolaš ávdnasat ja teknihkat deaivvadit ođđaáigásaš dáiddalaš ovdanbuktimiiguin, ja addá gallededdjiide geahčastaga sihke kulturárbbis ja dálááiggi dáidagis Sámis.

Bures boahtin geahččat čájáhusa Sámedikkis!