Čájáhusa vuođđun lea mo visttit ja huksejuvvon struktuvrrat muitalit gullevašvuođa, kultuvrra ja oktavuođa birra guovllu ektui. Juohke dáiddár lokte dihto ráhkaduslaš oasi čalmmustahttit eamiálbmogiid geahččanguovllu lanjaide, mat leat ovdánan iešguđetlágan servodagain.

Folke Fjällström, Aage Gaup, Pia Jannok, Max Lundström ja Ansgar Ole Olsen bidjet fuomášumi hámiide mat leat birrasis. Sin dáidagat fátmmastit dávjá gierdduid, hállamiid, bolnniid ja gubáid maid oaivádusgáldun leat várit, muorat ja eanadagat, mat ges leat eamiálbmogiid huksenvieruid logihka vuođđun. 

Matti Aikio, Tomas Colbengtson, Hanne Grete Einarsen ja Britta Marakatt-Labba guorahallet oktavuođa gaskal visteráhkadusaid, olbmuid ja eanet-go-olmmošlaš sohkavuođaid, ja čalmmustahttet dan máŋggabealat ovddasvástádusa mii čuovvu lanjaid hábmema. 

Hukset ja ovdánahttinprošeavttat mat dan čuvvot, bohciidahttet maiddái gažaldagaid mo árvvusatnimii atná eatnama ja areálaid. Viktoria Andersson, Joar Nango ja Anders Sunna hábmejit dáidagiid maid fáddán lea mo sámi ealli eanadagat seilot áiggis mas koloniála struktuvrrat, ruvkeindustriija ja dálkkádatrievdamat leat bissovaš noađđin. 

Trygve Lund Guttormsen ja Hans Ragnar Mathisen atnet ráddjejuvvon ivdneavádaga ja álkes sázuid govvidit vuođđodovdomearkkaid mo árbevirolaš ja ođđaáigásaš visteráhkadusat leat oassin eanadagas. 

Dujiid, njuohtama, grafihka, bácciid, glása ja govaid bokte leat dáiddárat suokkardan mo báikegottit speadjalastet min áddejumi báikkiin mat čatnet oktii ovddeš, dálá ja boahttevaš buolvvaid. Oktiibuot hástalit dáidagat gehččiid smiehttat min oktavuođa ja ovddasvástádusa dan eatnamii masa hukset. 

Dujiiguin, njuohtamiiguin, bácciiguin, lásedáidagiiguin ja govain isket sámi dáiddárat mo huksejuvvon birrasat speadjalastet min áddejumi báikkiin mat čatnet oktii ovddeš, dálá ja boahttevaš buolvvaid. Ovttas bovdejit dáidagat gehččiid jurddašallat min oktavuođa, ja ovddasvástádusa, dan eatnamii masa hukset. 

Bures boahtin Sámediggái geahččat čájáhusa!