Ođđa dáiddáršiehtadus sohppojuvvon jahkái 2025Sámi Dáiddárráđđi (SDR) ja Sámediggi leat čađahan jahkásaš šiehtadallamiid ođđa dáiddáršiehtadusa birra, ja bealit leat soahpan ekonomalaš rámmaid jahkái 2025. Ørjan Marakatt Bertelsen Sámediggi ja SDR leat čađahan jahkásaš proseassa oažžut sadjái ođđa ekonomalaš eavttuid sámi dáiddáriidda geat leat mielde SDR goavdeorganisašuvnna miellahttoservviin.SDR galgá jođihit dáiddapolitihka ja hálddaša máŋga buhtadus- ja stipeandaortnega, earret eará bivnnuhis bargostipeanddaid.Dán jagáš šiehtadallamat leat buktán oktiibuot 939 000 ruvdnosaš lassáneami, dahje 8,6 % lassáneami ovddit jagi dáiddáršiehtadusa ektui. Jagi 2025 bušeahtta šaddá oktiibuot 11 830 000 ruvnno.– Sámediggeráđđi lea duhtavaš go šiehtadallamat mielddisbukte lassáneami dáiddáršiehtadussii, vaikko ledjege čavgadit bušeahttaeavttut, dadjá sámediggeráđđi Maja Kristine Jåma (NSR).Jagi 2025 ekonomalaš lassáneamis deattuhuvvo erenoamážit bargostipeanda.– Sámediggeráđđi lea duhtavaš go sáhttá fokuseret bargostipeanddaid lassáneami, juoga maid SDR miellahttosearvvit leat čielgasit signaliseren, loahpaha sámediggeráđđi Jåma.Dáiddáršiehtadus galgá loahpalaččat dohkkehuvvot Sámedikki dievasčoahkkimis čakčamánus.Dá lea oanehis čoahkkáigeassu lassáneamis: Kortfattet sammenstilling av økningen i kunstneravtalenOmrådeDáiddáršiehtadus 2024Dáiddáršiehtadus 2025Økning fra 2024Økning i prosentDoaibmadoarjja Sámi dáiddárráđđái (SDR) ja čieža dáiddárorganisašuvnnaide5 779 0006 062 000283 0004,9 %Stipeanddat sámi dáiddáriidda4 065 0004 721 000656 00016,1 %Dáiddafoanda947 000947 00000 %Čájáhusbuhtadus100 000100 00000 %Oktiibuot10 891 00011 830 000939 0008,6 % Almmuhuvvon 03.09.2024 11.14 Maŋemusat rievdaduvvon 13.03.2025 18.01