Mikkel Eskil Mikkelsen Árvu, Sámediggi

– Buot oahppit Norggas galget beassat oahppat sámi historjjá, kultuvrra, servodateallima ja vuoigatvuođaid birra. Sámi kultuvra lea oassi min oktasaš kulturárbbis, ja dat lea oahppaplánas čielggaduvvon. Danne lean ilus go Oahppodirektoráhta ja Sámediggi leaba ráhkadan dán resurssa. Dieđán ahte olu oahpaheaddjit leat sávvan eanet doarjagiid ja eanet reaidduid sámi sisdoalu oahpahanbargui. Sávan oallugat atnigohten dán, dadjá máhtoministtar Tonje Brenna (Ap).

Sámi sisdoallu lea oassin šaddan vuođđooahpahusa fágaide bajitdási árvvuid ja prinsihpaid bokte, ja fágaođastusa iešguđetlágan oahppaplánain. Skuvla sáhttá bargat sámi sisdoaluin sihke ovtta fága siskkobealde ja iešguđetlágan fágaid rastá. Ođđa digitála doarjjaresurssas leat evttohusat sámi sisdollui fágain RREE, borramuš ja dearvvašvuođas ja servvodatfágas. Stuora oassi sisdoalus sáhttá maid guoskat eará fágaide.

Dehálaš veahkki sámi gelbbolašvuođa huksemii skuvllas

– Sámediggái lea dehálaš hukset sámi gelbbolašvuođa skuvllaide, nu ahte sihke oahpaheaddjit ja oahppit ožžot doarvái máhtu sámi diliid birra. Ii leat dušše skuvlla geatnegasvuohta, muhto maiddái buot ohppiid vuoigatvuohta beassat oasi váldit ja oahppat sámi álbmoga birra ja máŋggakultuvrralaš servvodaga birra mas mii eallit. Resursa addá máhtu sámi diliid birra mii fas addá buriid miellaguottuid ja eastada ovdagáttuiguin ja vealaheamis, dadjá sámediggeráđđi Mikkel Eskil Mikkelsen.

– Dát resursa lea sihke jearahuvvon ja dehálaš oahpaheddjiide, ja ahte olu sámi oahpaheaddjit leat váikkuhan bargui sin čehppodagain, lohká sámediggedirektevra Inger Marit Eira-Åhren.

Doarjjaresurssa ulbmiljoavku leat buot oahpaheaddjit vuođđoskuvllas, vaikke makkár fágain. Dás sáhttet gávdnat evttohusaid sámi sisdollui, áigeguovdilis dávistangažaldagaid, gelbbolašvuođamihttu ovdamearkkaid gos sámi sisdoallu lea oassi, ja liŋkkaid eanet resurssaide.

Galgá ovddidit ohppiid smiehttama

– Mii leat máŋgii fuobmán ahte lea dárbu eanet máhttui sámi kultuvrra, giela ja servodaga birra skuvllain. Danne lean hui movttet go mis lea leamaš buorre ovttasbargu Sámedikkiin sisdoalu birra ja ođđa doarjjaresurssa bargguin. Dál sávvat ahte dat buktá skuvllaide movtta ja fágalaš lasáhusa bargat sámi sisdoaluin oahppaplánas, dadjá Oahppodirektoráhta direktevra Morten Rosenkvist.

Doarjjaresursa addá dieđuid ja máhtu guovddáš sámi diliid birra, ja skuvllat sáhttet atnit dan go plánejit oahpahusa ohppiide. Go oahppit barget iešguđetlágan váttisvuođačuolmmaiguin, sáhttet resurssa fáttát oassin šaddat ovddidan dihte smiehttama ja kritihkalaš smiehttama.

Gažaldagaid dahje jearahallama addá sámediggeráđđi Mikkel Eskil Mikkelsen (NSR), tlf. +47 917 42 161, mikkel.eskil.mikkelsen@samediggi.no