Ráđđi galgá bargat dan ala ahte nannet daid sámiid vuoigatvuođaid ja eallineavttuid geain leat doaibmavariašuvnnat mat rihkkot norpmaid. Dat galgá doaibmat ráđđeaddi ásahussan Sámediggái ja addit máhtu ja árvalusaid áššiin mat gusket ulbmiljovkui.

Elisabeth Erke Ørjan Marakatt Bertelsen

– Dát ráđđi lea dehálaš resursa mii mu mielas ferte gávdnot sihkkarastin dihte ahte buot sápmelaččat, beroškeahttá doaibmanerohusain, besset buktit iežaset oaivilii ja fuolahit iežaset vuoigatvuođaid. Sámediggi illuda buori ovttasbargui ráđiin, dadjá sámediggeráđđi Elisabeth Erke (Gb).

Čoahkkimis besse miellahtut juogadit nana ja persovnnalaš vásáhusaid das mo lea eallit sápmelažžan geain leat doaibmavariašuvnnat. Regiovnnalaš guovddáš veahkaválddálašvuođa ja traumáhtalaš streassa váras (RVTS Nord) ja Bufdir searvvaiga maiddái čoahkkimii gos muitaledje ođđa ráđđái TryggEst birra, mii galgá suodjalit váravuloš rávesolbmuid veahkaválddálašvuođa ja illastemiid vuostá.

Jođiheaddji dán ráđđái válljejuvvo boahtte čoahkkimis.

Ráđi lahtut:

Miellahtut ráđis sápmelaččaid váste geain leat doaibmavariašuvnnat mat eai čuovo norpmaid, gurut bealde Odd Petter Elvenes, Aili Kirste Arntzen, Frid Tellefsen Svineng ja Asbjørn Andersen. Várrelahttu Ditte Emilie Hatlelid váilo govas / Medlemmer i råd for samer med normbrytende funksjonsvariasjoner, fra venstre Odd Petter Elvenes, Aili Kirste Arntzen, Frid Tellefsen Svineng og Asbjørn Andersen. Varamedlem Ditte Emilie Hatlelid mangles i bildet. Sámediggi / Sametinget Aila K. Anti

Sámedikki ráđis sápmelaččaid váste geain leat doaibmavariašuvnnat mat eai čuovo norpmaid, leat dát lahtut áigodagas geassemánus 2025 juovlamánnui 2027:

• Asbjørn Andersen
• Frid Tellefsen Svineng
• Aili Kirste Arntzen
• Odd Petter Elvenes
• Várrelahttu: Ditte Emilie Hatlelid