Sametingspresident Silje Karine Muotka Ørjan Marakatt Bertelsen

– Mii leat ilus muitalit min ođđa sámediggeráđđelahttu birra! Ole-Henrik:s lea duogáš máŋgga kultursuorggis mat gusket earret eará su ovddasvástádussuorgái. Mii illudit ovttasbargat sámi kultuvrra ja servodaga nannemiin, dadjá sámediggepresideantta Silje Karine Muotka (NSR).

Ođđa sámediggeráđđelahttu Ole-Henrik Bjørkmo Lifjell váldá badjelasas Maja Kristine Jåma ovddas, gii álgá mánnáoažžunvirgelohpái. Ole-Henrik Bjørkmo Lifjell lea 31 jagi boaris ja lea eret Bleikvasslias Nordlánddas. 2021:s válljejuvvui Bjørkmo Lifjell sámediggeáirasiin Norgga Sámiid Riikkasearvái Lullisámi válgabiirii. Son lea maid miellahttu Ealáhus- ja kulturlávdegottis, ja sus lea duogáš máŋga suorggis kultuvrras.

Ole-Henrik Bjørkmo Lifjell (NSR) oažžu ovddasvástádusa čuovvovaš politihkalaš surggiin sámediggeráđis:

• Kultuvra
• Dálkkádat, biras ja energiija
• Areála ja johtalus
• Mediat

Ole-Henrik Bjørkmo Lifjell (NSR) Inger Elin Utsi (Sámediggi)

 Ole-Henrik Bjørkmo Lifjell álgá bargui cuoŋománu 29. beaivvi, ja lea gearggus váldit badjelasas ovddeš  sámediggeráđi. 

– Mun illudan čuovvulit buot dan barggu maid sámediggeráđđi ja ovddeš ráđđelahttu leat čađahan. Šaddá gáibideaddji, gelddolaš ja erenoamáš árgabeaivi masa dovddan iežan hui movtta ja gearggusin, dadjá Ole-Henrik Bjørkmo Lifjell (NSR).

Ole-Henrik Bjørkmo Lifjell:s lea virgelohpi suoidnemánu 15. beaivvi rájes gitta borgemánu 2. beaivái 2025. Dat lea ovddeš geatnegasvuođaid geažil mat dahkko ovdal go son vulggii ráđđelahttun Sámediggái.