Ofelastimat Sámedikkis 2025 geasi

Sámediggi fállá ofelastimiid viđa geardde beaivái juohke árgabeaivvi geasseáigodagas, mii lea geassemánu 30. b rájes gitta borgemánu 15. b. 2025 rádjái. Dasa lassin lea maid vejolaš oažžut digitála ofelastima sámediggevisttis, appa dahje video bokte.

Ofelastimat leat mánnodagas bearjadahkii juohke vahku.

Dii. 09.30
Dii. 10.30
Dii. 12.30
Dii. 13.30
Dii. 14.30

Jus háliida ofelastima, de galgá boahtit resepšuvdnii, ii dárbbaš dieđihit searvama ovdagihtii. Ofelastingiellan leat dárogiella, sámegiella ja eŋgelasgiella. Juohke ofelastin bistá sullii 30 minuhta.

Ofelastin appa bokte

Sámediggi fállá maid ofelastima gussiide giehtatelefovnnas, sierra appa bokte man namma lea Guide To Go. Fálaldat lea nuvttá, lea olamuttos buohkaide ja sáhttá geavahuvvot vaikko goas jándoris.

Appas gulat eanet Sámedikki duogáža birra, earret eará manne lea ásahuvvon. Gulat maid Sámedikki doaimmaid birra sihke nationála ja riikkaidgaskasaš dásis, ja leat maiddái dieđut Sámedikki arkitektuvrra ja dáiddačoakkáldaga birra. Muitalat maid oasážiid sámi historjjás ja kultuvrras, ja guldaleaddjit besset maid guldalit Sámedikki čáppa luođi.

Olbmot geat galledit Kárášjoga sáhttet viežžat Sámedikki ruvttu (jietnabálgá) appas. Go leat Sámedikki olggobealde, de muitališgoahtá appa automáhtalaččat daid iešguđet jietnamuitalusaid dađis go váccaša Sámedikki birra. Fálaldat lea dárogillii ja eŋgelasgillii.

Ná dagat:

Iežat telefovnnas App Store dahje Google Play bokte vieččat appa Guide To Go. Appa sáhttá maid gávdnat QR-kode bokte mii lea Sámedikki olgouvssas.

Oza doppe Sámedikki ja viečča/laste vulos ruvttu. Go leat viežžan ruvttu, de sáhtát jáddadit mobiilaneahta ja čuovvut ruvttu čuoggáid mielde. Jos leat nuppesajis dahje eará báikkis, de sáhtát maid geavahit dán appa go ozat Sámedikki. Deaddilat čuoggáid maid háliidat gullat dan ruvttus.