Maren Benedicte Nystad Storslett Åse M. P. Pulk/Sámediggi

Internia AS dáhttu ovdánahttit Julevbágo, gos dál leat buot sámegielaid sátnegirjjit maidda Divvunis lea vuoigatvuohta. Ovdánahttin sisttisdoallá sátnegirjjiid sisagođđit tevstta-jitnii-bálvalusa doaibmilvuođa. 

Vuogádaga galgá maid šaddat álki geavahit, gos lea vejolaš gullat ovttaskassániid jietnadeami dahje čuohppat ja liibmet sisa sámegielat teavsttaid mat galget jitnosit lohkkojuvvot. 

– Dát lea hirbmat buorre prošeakta, ja lea guhkes lávki ovddasguvlui sámegielaid juvssahahttivuhtii! Mii dárbbašat buriid digitála reaidduid sámegielaide, maid dát prošeakta dahká vejolažžan, dadjá sámediggeráđđi Maren Benedicte Nystad Storslett (NSR).  

–  Prošeakta sáhttá maid leat resursan buohkaide geat oahpahallet sámegiela. Dát dahká vejolažžan geavaheddjiide gullat riekta jietnadeami ja buoridit giellamáhttu álkit ja intuitiivvalaččat, loahpaha Nystad Storslett. 

Julevbágo lea ovdal ođasmahttán doaimmaid nugo sámi báikenammaohcamiid oktiiheivehuvvon Kartverketiin ja lemmaohcamiid Divvumiin. Ja dahkan sámi sátnegirjjiid olámuddui maidda Divvunis lea vuoigatvuohta.