Ovttajienalaš Sámediggi bivdá Fovsen Njaarke-áššis bealátkeahtes guorahallamaOvttajienalaš Sámediggi bivdá ahte Fovsen Njaarke-áššis álggahuvvo bealátkeahtes guorahallan, vuosttaš áššemeannudeami rájes, ja mii maid fátmmasta Alimusrievtti duomu čuovvoleami. Fovsen Njaarke-ášši bođii lassiáššin dán vahku, ášši 03/23 Ođđa áššiid dieđiheapmi oktavuođas. Eanetlohkui bivddii das sámediggeráđi ovddidit sierra ášši, mas bivdá stáhta álggahit Fovsen Njaarke-áššis bealátkeahtes guorahallama, ja bivde maid ahte dat biddjo meannudeapmái dán dievasčoahkkimis. Sámedikki dievasčoahkkin meannudii FovsenNjaarke-ášši odne, bearjadaga njukčamánu 10. beaivvi. Sámediggi oaivvilda dehálažžan hukset luohttevašvuođa stáhtain, ovddemusat guoskkahuvvon Fovsen Njaarke-boazodolliid ektui, muhto maiddái sápmelaččaiguin álbmogin. Lea vealtameahttun mearkkašupmi das ahte jođáneamos lági mielde gávdnat čovdosa. Áššeovddidus áššái 17/23 Fovsen Njaarke-ášši guorahallan Almmuhuvvon 10.03.2023 11.01 Maŋemusat rievdaduvvon 13.03.2023 13.51