Stipeanda galgá loktet sámi nuorra taleanttaid ja movttiidahttit sin ovdánit viidáseappot iežaset beroštumiin ja áŋgiruššamiin. Čakčamánu 15. beaivvi rájes sáhttet sámi nuorat gaskal 16-25 jagi sáddet ohcama.

Njeallje stipeandda á 25 000 ruvnno juhkkojuvvojit. Sihke nieiddat ja gánddat ávžžuhuvvojit ohcat.

– Mii diehttit ahte gávdnojit ollu nuorra sápmelaččat geain lea nana ovdanbuktimat ja áŋgiruššamat. Dát stipeanda lea investeren sin boahtteáigái – ja sámi servodaga kultuvrralaš ja valáštallanovdánahttimii, dadjá sámediggeráđđi Ole-Henrik Bjørkmo Lifjell (NSR).

Ohcanáigemearri lea skábmamánu 15. beaivvi 2025. Ohcamat mat bohtet sisa dán beaivvi maŋŋá, eai meannuduvvo. Eanet dieđuid gávnnat dáppe: Kultur- ja valáštallanstipeanda 2025.