Maja Kristine Jåma Åse M. P. Pulk/Sametinget Mihttu lea sámi ja eará eamiálbmogiid XR filmmaid sajálduhttit rievttes sadjái njunnošis teknologalaš ovdáneamis, máilmmi ovddimus XR-teknologalaš birrasiin.

XR-buvttadeami márkan lea lassáneaddji máilmmiviidosaččat ja jámma ráhkadit ođđa teknologiija. ÁRRANiin lea sámi filbmabuvttadeapmi njunnošis ovdánemiin, ja lea mielde ráhkadeame ođđa vejolašvuođaid sámi dáiddáriidda ja filbmabuvttadeddjiide.

Vásihuvvo stuora beroštupmi oaidnit ÁRRAN filmmaid ja XR buvttademiid riikkaidgaskasaččat, ja filmmat čájehuvvojit jáhkkimis Lübeckas, Malmøs, Londonis, Canadas ja USAs maŋŋel go leat čájehuvvon Venezias.

– ÁRRAN 360° lea áibbas ođđa ja earálágan vuohki gaskkustit sámi historjjá, myhtaid ja eallinvugiid. Illudahttá oaidnit mot ISFI dán prošeavtta bokte lea bures bargan rekruteret ja movttiidit sámi filbmadáiddáriid, lohka sámediggeráđđi Maja Kristine Jåma (NSR).

Juolludeapmi lea juolluduvvon ortnegis Ásahusovddideamis.

Gažaldagaid dahje jearahallama addá sámediggeráđđi Maja Kristine Jåma (NSR), tlf: +47 472 42 366, maja.kristine.jama@samediggi.no