Almmuheamit mat leat ožžon doarjaga leat symfoniija «Begbymannen» Roy Alexander Lind bokte ja álbuma «Gaskeme» ÅVLA Lifjell bokte. Mienne Music lea ožžon 12 000,- kruvnnu musihkkavideo buvttadeapmái.

«Begbymannen» almmuheapmi oktiibuot 150 000,- kruvnnu, lea Sámi Dáiddaráđi guovtti jagaš dáiddárstipeandda boađus. Roy Alexander Lind lea sámi šuokŋadahkki gii geahččaladdá ja ođasmahttá luđiid ja sámi musihka, ja symfoniija lea etnomusihkalaš buvtta mii gievru šuokŋamearrideaddji luođi fámuin.

Álbuma "Gaskame" mii oktiibuot oažžu 215 000,- kruvnnu, lea persovnnalaš álbuma, mii čilge dáiddára dili leahkit gaskkal bonju lullisámi artistan ja vánddardeaddjin norgga servodagas. Musihkka dásse árbevirolaš ja dálá musihkkaovdanbuktima čiekŋalis ruohttasiiguin lullisámi luođis, gielas ja máinnastanvierus.

Oassin sámi artistta Cazoo promoteremis, lea Mienna Music ráhkadan guokte musihkkavideo. Musihkkavideot galget oažžut earáid beroštit sámi musihkas ja sámi guovlluin.

– Illudahttá oaidnit ahte musihkkamáilmmis dáhpáhuvvá olu. Buktagat mat leat ožžon doarjaga dássádallá árbevirolaš ja dálá musihkkaovdanbuktima, ja leat buorit doarjjan luođi ja sámi musihka almmuheapmái. Almmuheapmi galgá nannet ipmárdusa sihke ođđahutkojuvvon ja árbevirolaš sámi musihkkii, dadjá sámediggeráđđi Maja Kristine Jåma (NSR).

Juolludeamit juolluduvvojit ortnegis Luohti ja sámi musihkka.

Gažaldagaid dahje jearahallama addá sámediggeráđđi Maja Kristine Jåma (NSR), tlf: +47 47 24 23 66, maja.kristine.jama@samediggi.no  

Luođi ja sámi musihka doarjjaortnega juolludemiid oktiigeassu:

215 000,- kruvnnu ÅVLA Lifjella álbuma «Gaskeme» almmuheapmái

150 000,- kruvnnu Roy Alexander Lindii «Begbymannen» symfoniija almmuheapmái

12 000,- kruvnnu Mienna Musicii musihkkavideo buvttadeapmái.