Juogus čuovvola sámi mánáid oahpahusa vuođđoskuvllas ja joatkkaskuvllas, ja maiddái sámi mánáidgárdefálaldaga. Mii gozihit sámi giela, servodateallima, historjjá ja árbevieruid mat gusket vuođđooahpahussii ja mánáidgárdefálaldahkii. Juhkosis maiddái lea ovddasvástádus čuovvolit fágasuorggi politihkalaš mearrádusaid, ja bargá oažžut sámi perspektiivva lágaide ja eará stivrendokumeanttaide. Juhkosis mii ovttasbargat iešguđetlágan ja miellagiddevaš bargguid oktavuođas. 

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas.
Sámedikki bargit fertejit rehkenastit veahá mátkkoštit.

Barggut

Barggut mat gullet virgái:

• Rávven, áššemeannudeapmi ja čielggadeapmi fágasuorggi siskkobealde, mii váikkuha sámi politihka ja servodaga ovdáneapmái
• Gozihit mii fágasuorggis lea áigeguovdil, ja veahkkin ovdánahttit fágasuorggi nu ahte aktiivvalaččat hágat dieđuid, analyseret ja juogadat oaiviliiddát politihkalaš, servodatlaš ja fágalaš ovdáneami birra
• Fágalaš rávven, árvvoštallan ja neavvun siskkáldas doarjjahálddašeami oktavuođas
• Koordineret ovddidanbargguid, bagadallat sihke bargoustibiid ja earáid servodagas
• Veahkkin ovdánahttit ja atnigoahtit ođđa bargovugiid, sihke bargomálliid ja -reaidduid dáfus, ja ođđahutkama dáfus politihkka- ja servodatovdánahttimis
• Gulahallat ja ovttasbargat relevánta aktevrraiguin fágasuorggis
• Searvat ja jođihit čielggadanbargguid ja prošeavttaid mat gullet fágasuorgái ja dievasčoahkkináššiide
• Veahkkin ráhkadit statistihkaid
• Virgái sáhttet biddjojuvvot eará barggut

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eambbo ja oza virgái dáppe.