HR ja digitála nuppástuhttinjuogus mii lea oassin hálddahusossodagas, ohcá danne mihttodiđolaš ja áŋgiris juogushoavdda gii dáhttu lea mielde jođihit ja ovdánahttit HR ja digitála nuppástuhttima gullevaš bargguid. Juhkosis leat dál 10 mielbargi oktan juogushoavddain.

Ovddasvástádussuorggit juhkosis leat earret eará:

• Fágalaš veahkki ja neavvun jođiheddjiide earret eará rekrutteremiin, personálaáššiin jnv.
• Veahkkin buoridit organisašuvdnakultuvrra jođiheddjiide doarjaga ja neavvuma bokte, ja oassálastit nuppástuhttin-, rievdadus- ja ovdánahttinbargguin.
• Barggut čadnon digitála nuppástuhttimii. Ovdánahttin- ja implementerenovddasvástádus digitaliseremii Sámedikkis (siskkáldasat).
• Čađahit Sámedikki personála- ja bálkápolitihka.
• Ráhkadit, divodit  ja ođasmahttit HR-guoskevaš rutiinnaid ja njuolggadusaid, ja fuolahit proseassaid čanastuvvon GJ-bargui, bargobirrasii ja DBS-bargui.
• Veahkehit ja oassálastit šiehtadallamiin ja ráđđádallamiin jođiheddjiiguin ja luohttámušolbmuiguin, dás maid veahkehit báikkálaš šiehtadallamiin – sihkkarastit ahte proseassat luohttámušolbmuiguin dáhpáhuvvet doaibmi soahpamušnjuolggadusaid vuođul.
• Ráđđeaddin/veahkkin mat gullet bargoriektái (stáhtabargiidláhka) ja bargobirasláhkii, dás maid hálddahusriektái.
• Jođihit ja láhčit mielbargiidiskkademiid ja daid čuovvuleapmái.
• čállinbarggut Sámedikki virgádanráđiid, ovttasbargolávdegotti ja bargobiraslávdegotti ovddas.
• Rutiidnabarggut čadnojuvvon earret eará virgádemiide, virgelobiide ja buozalmasvuođajávkama čuovvoleapmái.
• Barggut bálká- ja áigehálddašeapmái.
• Personsuodjalus (GDPR)
• Doaimmahit ja ovdánahttit doarjjahálddašanuskkádaga Doarjjadiggi, dás maid ovddasvástádus stipeanddaid doarjjahálddašeapmái, doarjagat bellodagaid organisašuvnnaide ja joavkkuide geat leat ovddastuvvon Sámedikkis, sámi váldoorganisašuvnnaide, joavkoruhtadeapmi ja opposišuvnna bargoeavttut.
• Juhkosa siskkáldas fágasurggiide guoskevaš oahpahus ja gealboovdánahttin.
• Virgái sáhttet maid bidjot eará doaimmat mat leat Sámedikki doaibmái guoskevaš.

Barggut:

• Jođihit ja koordineret juhkosa bargguid. Juogusjođiheaddjis lea ovddasvástádus juhkosa bušeahtas, bargiin ja bohtosiin, ja galgá fuolahit ahte juhkosa barggut váikkuhit Sámedikki ulbmiliid ja strategiijaid ollašuhttimii. Juogusjođiheaddji galgá árjjalaččat ovddidit ođđa bargovugiid. Dasa lassin juogusjođiheaddji searvá fágalaš bargguide dárbbu mielde.
• Jođihandoarjaga ja -veahki fállat muđui Sámedikki hálddahussii.
• Áŋgiruššat fágalaš ovdáneami ovddas juhkosa fágasurggiin, ja árjjalaččat váikkuhit sámi politihka ja servodaga ovdánahttimii.
• Ovddidit ođđa bargovugiid, maiddái digitaliserema, innovašuvnna ja goanstajierpmi atnima siskkáldasat Sámedikkis.
• Čuovvulit, ovdánahttit ja doarjut juhkosa bargiid nu ahte fágalaš kvalitehta, bagadallan ja ovttasdoaibman leat guovddážis.
• Árjjalaččat searvat ossodaga ollislaš jođiheapmái ja veahkkin ovdánahttit ossodaga ja fágasurggiid ollislaččat.
• Viidáset ovdánahttit siskkáldas ovttasbarggu fágasurggiid rastá ja ovttasbarggu olggobeale ovttasbargoguimmiiguin, eiseválddiiguin jnv.

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eambbo ja oza virgái dáppe.