Sámedikkis lea rabas jahkásaš sadjásašvirgi ráđđeaddin / Seniorráđđeaddin min áidduásahuvvon Doaibmastivrema ja servodatoktavuođa stábas gosa mii ohcat čeahpes ja áŋgiris ráđđeaddi / seniorráđđeaddi. Stába mihttu lea sihkkarastit ovttastahtti, oktiiheivehuvvon ja ulbmilaččat doaimmahuvvon Sámedikki. Virgi lea čadnojuvvon strategiijaovddideami bargui. Ráđđeaddi / seniorráđđeaddi galgá doarjut jođihanjoavkku Sámedikki ollislaš doaibmastivremis.

Strategiijaid hábmen galgá veahkkin Sámediggái buriin vuoruhemiin servodatdoaimma barggu oktavuođas ja bajimuš mihttuid juksamiin. Bargui gullá plánet sihke jagi ovddasguvlui ja máŋga jagi ovddasguvlui.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas.
Sámedikki bargit fertejit rehkenastit veahá mátkkoštit.

Barggut

Doaibmastivrema ja servodatoktavuođa stába seniorbagadallin leat dus čuovvovaš barggut.

• Proseassajođiheapmi ráhkadit ja fasiliteret strategiijaid, ovdamearkka dihtii doaibmastrategiija, digitaliserenstrategiija ja gealboovdánahttinstrategiija
• Ovttasbargat muđuid eará ossodagain/juhkosiin, erenoamážit hábmet guorahallamiid guoskevaš strategiijabargui
• Veahkehit bušeahttaproseassain, bajitdási raporteremiin ja stivrenmihttuid čuovvolemiin
• Guhkesáiggeguorahallamiid ja plánemiid doaimmahit doarjumiin strategalaš stivrema
• Veahkehit fágaidrasttildeaddji ovttastahttima, politihkaovddideami ja stivrenparamehteriid ovddidemiin
• Doarjut jođiheddjiid

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.