Mii ohcat du gii háliidat leat mielde hábmet jierpmálaš bargoproseassaid digitaliserema, automatiserema ja dahkkonjierbmi bokte. Don oaččut guovddáš rolla digitála bálvalusaid, stivrenpanelaráđđejumi ja integrašuvnnaid hábmemis, mat leat mielde buoridit mearrádusvuođu ja dahket bargoproseassaid eambo effektiiva olles organisašuvnnas.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas ja Ájluovttas.  

Sámedikki bargit fertejit rehkenastit veahá mátkkoštit.

Barggut

• Hábmet ja ovddidit digitála čovdosiid ja bálvalusaid.
• Hábmet stivrenpanelaráđđejumi ja raporterenčovdosiid jođiheapmái ja doaibmastivrremii.
• Automatiseret bargoproseassaid teknologiija ja AI bokte.
• Hábmet integrašuvnnaid vuogádagaid gaskka ja sihkkarastit buori ávkkástallama Microsoft 365-pláttformii.
• Doaimmahit ja ovdánahttit doarjjaportála Doarjjadiggi.
• Analyseret data ja identifiseret buoridan vejolašvuođaid ovttas jođiheddjiiguin ja bargiiguin.
• Oahpahit ja doarjjut geavaheami digitála reaidduid ja čovdosiin.
• Searvat ovddidit Sámedikki digitaliserenstrategiija.

Du bargobeaivi hábmejuvvo Sámedikki dárbbuid mielde ja du gelbbolašvuođa ja čehppodaga vuođul. Virggi ja juhkosa barggut  sáhttet rivdet Sámedikki dárbbuid mielde.

Loga eanet virggi birra ja oza virggi Karrieresiiddus