Stába ulbmilin lea sihkkarastit oktiiheivehuvvon, ovttastahttejuvvon ja beaktilis doaimma Sámedikkis. Stábas lea earret eará prošeaktajođihan ovddasvástádus Sámedikki Duohtavuođa- ja seanadankommišuvnna raportta čuovvoleamis. Virgi lea guovddášlaš Sámedikki bušeahttabarggus ja Sámedikki raporteremis ovdamearkka dihte Sámedikki jahkedieđáhusas ja ekonomiijaraporttain.

Dát lea vejolašvuohta dutnje gii háliidat bargat strategalaččat bušeahtain ja raporteremiin Sámedikki dievasčoahkkimii ja Stuorradiggái. Mii ohcat du gii liikot bargat loguiguin ja bidjat daid stuorát oktavuođaide.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Olmmáivákkis, Aarbortes, Skániin, Snoasas, Romssas ja Ájluovttas.
Sámedikki bargit fertejit rehkenastit veahá mátkkoštit.

Ráđđeaddi/seniorráđđeaddi - Bušeahtta ja raporteren galgá váikkuhit Sámedikki servodatdoaimma čađaheapmái nu ahte Sámediggi olaha iežas bajitdási mihtuid. Bargui gullá ráhkadit Sámedikki bušeahta lagas ovttasbargguin politihkalaš jođihangottiin ja jođiheaddjejoavkkuin, ja čađahit ekonomalaš analysaid Sámedikki rehketdoalu vuođul. Ráđđeaddi/seniorráđđeaddi galgá viidáseappot leat veahkkin ráhkadeame ja raporteremin stivrejumi mihttomeriid. Bargu mielddisbuktá sihke jahkásaš ja máŋgga jagáš plánema.

Barggut

Ráđđeaddin/seniorráđđeaddin leat dus čuovvovaš barggut:

• Ráhkadit ja čuovvolit Sámedikki bušeahta ovttas stábain, politihkalaš jođiheddjiiguin ja fágaossodagaiguin
• Ráhkadit kvartálalaš ekonomiijaanalysaid jođiheaddječoahkkimii
• Ovttastahttit Sámedikki jahkedieđáhusaid
• Váikkuhit Sámedikki stivrenparameahtaid ovddideami ja raporterema

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eanet virggi birra ja oza virggi Karrieresiiddus