Virgi gullá juhkosii mii čuovvola politihkalaš mearrádusaid, ovddida politihka ja bargá nannet sámi perspektiivva stivrendokumeanttain, njuolggadusain ja áŋgiruššamiin UH- ja dutkansuorggis.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Olmmáivákkis, Aarbortes, Skániin, Snoasas, Romssas ja Ájluovttas.Sámedikki bargit fertejit rehkenastit veahá mátkkoštit.

Barggut

Barggut sáhttet rievddadit áiggis áigái ja rievdat Sámedikki dárbbuid mielde, muhto virggis leat dus erenoamážit čuovvovaš barggut:

• Alit oahpu ja dutkama áššemeannudeapmi ja politihkkaovddideapmi
• Čielggadanbargu, analysat ja fágalaš árvvoštallamat
• Áššiid ráhkkaneapmi politihkalaš jođihangoddái, dás maiddái čilgehusat/dievasčoahkkináššit
• Láhka- ja njuolggadusbarggu fágasuorggis
• Ráhkkanahttit ja searvan konsultašuvnnaide departemeanttaiguin ja eará relevánta aktevrraiguin
• Ovttasbargu ja gulahallan universitehtaiguin, allaskuvllaiguin ja dutkanbirrasiiguin
• Raporteren ja fágalaš buktagat jođiheddjiide ja siskkáldas proseassaide
• Eará ovdánahttinbargu ossodagas

Loga eanet virggi birra ja oza virggi Karrieresiiddus