Virgi heive dutnje geas lea bargohárjáneapmi áššemeannudeaddjin, ja áinnas mastergráda, háliidat leat mielde sihkkarastit ja ovddidit sámi beroštumiid. Ráđđeaddin/seniorráđđeaddin boađat don barggat hálddahuslaš bargguin sámi vuođđoealáhusain, erenomážit boazodoalu ektui, earret eará boađat maiddái barggat doarjjameannudemiin ja áššemeannudemiin dálá njuolggadusaid mielde. Virgái lea maiddai čadnon bargu politihkkahábmemin gos don veahkehat fágalaš analysaiguin ja čálalaš árvvoštallamiiguin mat leat vuođđun dan rollii mii Sámedikkis lea politihkalaš orgánan ja politihkalaš mearrideaddjin.
Sámi áššit main lea stuorra servodatlaš mearkkašupmi movttiidahttet du ja don háliidat searvat bidjat ceavzilis eavttuid sámi vuođđoealáhusaide, sámedikki servodatberošteaddji doaimmaid ektui.
Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, ja Ájluovttas.
Sámedikki bargit fertejit rehkenastit veahá mátkkoštit.
Barggut
Ráđđeaddin/seniorráđđeaddin bohtet dus leat čuovvovaš barggut
- Ealáhusovdánahtti politihkalaš hábmen vuođđoealáhusaide
- Doarjjameannudeapmi vuođđoealáhusaide
- Eará barggut juhkosa dárbbuid mielde
Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.
Loga eanet virggi birra ja oza virggi Karrieresiiddus