Ráđđeaddi/Seniorráđđeaddi - Gielladoaimmat

Ráđđeaddi/Seniorráđđeaddi - Gielladoaimmat

Sámedikki giellaossodagas lea rabas bistevaš virgi ráđđeaddin / seniorráđđeaddin giellahálddašan- ja politihkajuhkosis. Álgin farggamusat. Ohcanáigemearri: Cuoŋománu 18. b. 2021.

Bargobáiki lea muhtun Sámedikki kántorbáikkiin gos lea sadji. 

Barggut

Virggi váldobarggut:

  • Sámedikki obbalaš giellapolitihka ovddidit ja čuovvulit
  • Plánet ja čuovvulit Váibmogiela ja Giellaloktema árvalusaid
  • Bidjat johtui ja čuovvulit konkrehta gielladoaimmaid
  • Áššemeannudit, raporteret ja evalueret
  • Eará fágalaš ovddideapmi Sámedikki giellaáŋgiruššama fágasuorggis

Virgái sáhttet maid biddjot eará barggut mat gullet Sámedikki doibmii.
Virgái gullá mátkkošteapmi.

Gelbbolašvuohta

Mii ohcat olbmo geas lea allaskuvla/universitehta oahppu masterdásis vuosttažettiin servodatfágalaš, juridihkalaš dahje ekonomalaš oahpposurggiin. Unnimusat 3 jagi áigeguovdilis bargohárjáneapmi politihkkaovddidanbargguin ja/dahje giellahálddašanbargguin sáhttá kompenseret masterdási oahpu, dattetge gáibiduvvo oahppu unnimusat bachelordásis.

Son guhte virgáduvvo ferte máhttit sámegiela ja dárogiela, dahje eará skandináva giela, njálmmálaččat ja čálalaččat.

Máhttu sámi servodatdiliid ja gielladili birra gáibiduvvo.

Bargohárjáneapmi politihkkaovddidanbargguin ja giellahálddašanbargguin deattuhuvvo.

Muđui deattuhuvvo:

  • Buorit gulahallan- ja ovttasbargodáiddut
  • Buorre njálmmálaš ja čálalaš ovdanbuktindáidu
  • Dáidu bargat iešheanalaččat ja ulbmillaččat
  • Veahkkáivuohta
  • Persovnnalaš dohkálašvuohta

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434  ráđđeaddi dahje 1364 seniorráđđeaddi.

  • Bálkkás gessojuvvo 2 % máksu Stáhta penšunkássii
  • Buorit loatna- ja penšunortnegat Stáhta penšunkássas
  • Buohkaide geat ásset Finnmárkkus ja Davvi-Romssas guoská oahppoloana sihkkunortnet Stáhta loatnakássas 10 % jahkái, gitta 25.000 ru rádjai, ja sierra vearrogeasus
  • Dávgasis bargoáigi ja eará buorit čálgoortnegat

Stáhta bargofámus galgá vejolašvuođaid mielde speadjalastojuvvot álbmoga girjáivuohta. Bargiidpolitihkalaš mihttomearrin lea olahit dássedettolaš ahke- ja sohkabealčoahkkádusa, ja dasto rekrutteret olbmuid geain lea sisafárrejeaddji duogáš, doaibmavádjet olbmuid ja geain leat váillit CV:s.
 
Sámediggi ávžžuha gelbbolaš kandidáhtaid ohcat, beroškeahttá agis, sohkabealis, nationála dahje etnalaš duogážis, doaibmavádjitvuođas dahje váillis CV:s. Sámediggi lea čáhkkilis doaibma (Searvvaheaddji Bargoeallin) ja deattuhat ovttaskas bargiid bargodiliid láhčima.
 
Virgádeapmi dáhpáhuvvá gustovaš lágaid, njuolggadusaid ja šiehtadusaid mielde.
Virggis lea 6 mánu geahččalanáigi.

Ohcan

Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:

  • Ohcanreive
  • CV – oahppu ja bargovásihusat fertejit devdojuvvot elektronalaš skovvái
  • Oahppo- ja bargoduođaštusat galget biddjojuvvot mielddusin
  • Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.
 
Ohcanáigemearri: Cuoŋománu 18. b. 2021

Oktavuohta

Eanet dieđuid virggi birra oaččut go válddát oktavuođa:

Oza bargui

Ohcanáigemearri

Cuoŋománu 18. b. 2021