Juhkosa barggut leat hálddašeapmi ja politihkka- ja láhkaovddideapmi surggiin nugo areála, luondu, dálkkádat, ja kollektiivva vuoigatvuođat, dás maiddái boazodoallu, boraspiret, mariidna resurssat ja meahcasteapmi.  Juhkosis lea maiddái ovddasvástádus dásseárvofágasuorggis, mii maiddái fátmmasta sámevaši.  Dáppe sáhtát oažžut miellagiddevaš ja mávssolaš bargguid nugo nannet servodatovddideami Sámis ja sámi ealáhusai. 

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas.

Sámedikki bargit fertejit rehkenastit veahá mátkkoštit.

Barggut

Ráddeaddin/seniorráđđeaddin leat dus čuovvovaš barggut:

• Áššemeannudeapmi ja politihkkaovddideapmi fágasurggiin boazodoallu, meahccehálddašeapmi, mariidna resurssat, dásseárvu, láhkaovddideapmi ja priváhta kollektiivvalaš eana- ja resursavuoigatvuođat.
• Áššemeannudeapmi sámediggeráđđái ja Sámedikki dievasčoahkkimii
• Áigeguovdilis áššiid čuovvoleapmi ja buktit ráđiid daidda

Virgi gáibida maiddái veaháš mátkkoštallama: Dát leat eanaš politihkalaš ja hálddahuslaš čoahkkimiidda, konsultašuvnnaide olggobeal oasseváldiguin, ja vel siskkáldas čoahkkimiidda ja semináride.

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eanet virggi birra ja oza virggi Karrieresiiddus