Virgái háliidit vuosttažettiin arkiteavtta gii berošta sámi vistegáhttemis ja áŋgiruššá dan ovddas. Automáhtalaččat ráfáidahttojuvvon sámi visttiid čoahkis leat badjel 900 objeavtta Plaassja-guovllu rájes lulde gitta Finnmárkui davvin. Juhkosis leat 14 bistevaš virggi ja dat hálddaša maiddái kulturmuittuid sámi arkeologiija olis ja fuolaha sámi kulturárbbi gaskkusteami ja láhčima.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas.

Sámedikki bargit fertejit rehkenastit veahá mátkkoštit.

Barggut

Ráđđeaddin/seniorráđđeaddin leat dus čuovvovaš bargodoaimmat:

• Rávvet ráfáidahttojuvvon ja gáhttenárvosaš sámi visttiid eaiggádiid
• Geahčadit ja duođaštit sámi visttiid
• Meannudit doarjja- ja dispensašuvdnaohcamiid
• Áššemeannudit kulturmuitolága ja plána- ja huksenlága vuođul
• Ovddidanbargu sámi vistegáhttema oktavuođas
• Gulahallat eará kulturmuitoeiseválddiiguin ja vejolaš ovttasbargoguimmiiguin
• Geavahit kulturmuitodiehtovuođu Askeladden ja doarjjaportála DIGISAK ja Doarjjadiggi
• Raporteren ja jođiheaddjedoarjja  

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eanet virggi birra ja oza virggi Karrieresiiddus