– Olmmošvuoigatvuođarihkkun Fovses lea dál bistán 814 beaivvi. Riektestáhta ja fápmojuogadanprinsihppa lea áitojuvvon, ja dat berre fuolastuhttit buot servodatjođiheddjiid. Norgga riektestudeanttat ja Duopmársearvi leat váldán ovdan iežaset balu nammačoaggima bokte ja reivve bokte Ráđđehussii. Mun váillahan beroštumi eará servodatsurggiin, dadjá sámediggepresideanta.

Reivvet leat sáddejuvvon earret eará Majestehta Gonagasii, Økokrimii, nuoraidbellodatjođiheddjiide, stuoradiggeáirasiidda, birasdirektevrii, politiijadirektevrii, kulturdirektevrii, KS-jođiheaddjái, Norgga girku presesii ja riikkarevišuvdnii.

– Ii sáhte leat nu ahte kollektiiva servodat Norggas ii buvtte ovdan oaivila olmmošvuoigatvuođaid rihkkumis danne go ášši guoská sámiide ja boazodollui, dadjá sámediggepresideanta.

Loga reivviid: