Reviderejuvvon bušeahtta divvun dihte dáruiduhttima vahágiid

Sámediggeráđi evttohusas reviderejuvvon bušehttii 2024 leat oktiibuot 51 áŋgiruššama. Rámma lea veahá badjelaš 30 miljovnna ruvnnu, danne go Sámediggi oaččui 20 miljovnna ruvnnu maŋŋel bušeahttašiehtadallamiid Stuoradikkis čakčat 2023.

Sámediggeráđđi Runar Myrnes Balto (NSR) Ørjan Marakatt Bertelsen

– Ollu doaibmabijut Sámis ožžot bistevaš loktema dán bušeahtarevideremis. Dát guoská sihke kultur- ja giellaásahusaide, hálddašanguovllu suohkaniidda ja earáide. Buot dát leat áibbas guovddážis go mii dál galgat divodit dáruiduhttinvahágiid. Mii giitit Sosialisttalaš Gurutbellodaga go lea addán midjiide dán vejolašvuođa bušeahttašiehtadallamiid bokte Stuoradikkis mannan čavčča, dadjá sámediggeráđđi Runar Myrnes Balto (NSR).

Áŋgiruššamiid gaskkas leat máŋga ohcanvuđot ortnega mat leat lassánan: 2 miljovnna ruvnno oahpponeavvuide, 1,3 miljovnna ruvnno gielladoaimmaide, 700 000 ruvnno mánáidgárddiid prošeavttaide ja giellaoahpahussii, 960 000 ruvnno vuoigatvuođabargui, 500 000 ruvnno fanassuodjaleapmái, 400 000 ruvnno kulturdoaibmabijuide ja 350 000 ruvnno regionála regionálaovddidanprošeavttaide.

Dasa lassin evttoha sámediggeráđđi álggahit muhtun konkrehta prošeavtta Duohtavuođa- ja soabahankommišuvnna čuovvoleapmin. Prošeavttat eastadit iešsoardima Sámis, hálddašit olmmošlaš bázahusaid, čielggadit institušuvnnalaš ruovttu luohtái, ásahit sámi investerenfoandda ja gulahallanlágideapmi soabaheami birra leat ovdamearkkat dasa.

– Dál lea visot energiija biddjojuvvon Duohtavuođa- ja soabahankommišuvnna raportta čuovvoleapmái, ja min ulbmil lea divvut vahágiid. Mii beassat álggahit ollu deaŧalaš barggu, muhto vai duođai divvut dáruiduhttima vahágiid buot guovlluin, de dárbbašit mii ruđalaš veahki Stuoradikkis boahtte jagiin, dadjá sámediggeráđđi Myrnes Balto loahpas.

Sámedikki plána- ja finánsalávdegoddi meannuda sámediggeráđi evttohusa reviderejuvvon bušehttii čoahkkinvahkus miessemánu 27.- 31. beivviid. Sámedikki dievasčoahkkin mearrida bušeahta dievasčoahkkimis geassemánu 10.-14. beivviid.

Geahča buot vuoruhemiid 2024 reviderejuvvon bušeahtas dán tabeallas:

Buot vuoruheamit 2024 reviderejuvvon bušeahtas
Doaibma Supmi Diehtu
Guovttegielalašvuođa doarjagat - njuolggodoarjagat suohkaniidda 2 646 000  
Giellaovddidandoaibmabijut - ohcanvuđot doarjja 500 000    
Giellavahkku 200 000  
Stormen giellaguovddáš – njuolggodoarjja 800 000 Bargu bihtánsámi gielain ja kultuvrrain
Lávgu AS (Álttá sámi giella ja kulturguovddáš) – njuolggodoarjja 250 000 Oktasaš prošeakta nannet mearrasámi identitehta
Návuona giellaguovddáš – njuolggodoarjja 250 000 Oktasaš prošeakta nannet mearrasámi identitehta
Sámi gielladoaibmabijut lulli-, ubmi-, bihtán-, julev-, nuortalaš- ja márkosámi guovlluin - ohcanvuđot ortnet 800 000 Ubmisámegiela, bihtánsámegiela ja nuortalašgiela materiála digitaliseremii
Nuvttá sámi mánáidgárddit, bagadanneavvut - prošeakta 400 000  
Prošeavttat ja giellaoahpahus mánáidgárddiin - ohcanvuđot doarjagat 700 000  
Doarjja oahpponeavvuid ráhkadeapmái - ohcanvuđot doarjja 2 000 000  
Rájárasttildeaddji sámi oahpahus - prošeakta 150 000  
Sámi areála- ja resursavuoigatvuođat - ohcanvuđot doarjagat 960 000  
Sámi joatkkaskuvla ja boazodoalloskuvla - njuolggodoarjja 50 000 Ráhkadit kurssaid boazodoallonuoraid várás váikkuhusguorahallamiid birra
Suodjalanguovlostivraseminára 150 000  
DeanuInstituhtta – njuolggodoarjja 200 000 Fásta lassáneapmi
Boazodoalloseminára 800 000  
International Gathering of Indigenous Salmon Peoples – seminára 1 000 000  
Deanučázádaga báikkálaš hálddašeami modeallat - prošeakta 200 000 Modeallaid čielggadeapmi ollislaš rádjerasttildeaddji báikkálaš hálddašeami várás.
Sámi investerenfoanda - prošeakta 2 000 000 Sámi investerenfoandda ásaheapmi mii galgá veahkehit sámi ealáhusaid oažžut kapitála.
Boazodoalu ja duoji oahpahuskantuvra - njuolggodoarjja 200 000 Fásta lassáneapmi oažžun dihtii eanet fidnooahppiid duodjeealáhussii.
Kulturdoaibmabijut - ohcanvuđot doarjja 400 000  
Sámi beassášfestivála Guovdageainnus - njuolggodoarjja 200 000 Fásta lassáneapmi
Márkomeannu – njuolggodoarjja 350 000 Doarjja 25-jagi ávvudeapmái.
Romssa sámi vahkku – Stiftelsen Midnight Sun Marathon - njuolggodoarjja  150 000 Fásta lassáneapmi
Beaivváš Sámi Našunálateáhter – njuolggodoarjja 1 000 000 Doaibmagoluid gokčan
Sámi mánáidteáhter – Deanu gielda - njuolggodoarjja 100 000 Fásta lassáneapmi
Árran julevsámi guovdásj / Árran lulesamisk senter – njuolggodoarjja 750 000 450 000 ruvnno fásta lassáneapmi.
Saemien Sijte – njuolggodoarjja 1 150 000 450 000 ruvnno fásta lassáneapmi..
RiddoDuottarMuseat – njuolggodoarjja 1 000 000 450 000 ruvnno fásta lassáneapmi..
Deanu ja Várjjat museasiida / Tana og Varanger museumssida – njuolggodoarjja 450 000 Fásta lassáneapmi
Várdobáiki sámi guovddáš / Várdobáiki samisk senter – njuolggodoarjja 550 000 450 000 ruvnno fásta lassáneapmi.
Davvi álbmogiid guovddáš / Senter for nordlige folk – njuolggodoarjja 450 000 Fásta lassáneapmi
Duoddara ráfe – njuolggodoarjja 100 000 Fásta lassáneapmi
Lásságammi 450 000 Dáiddár- ja dutkidálu divodeapmi.
Máze Gilisearvi – Golle Máze – njuolggodoarjja 500 000 Dokumentašuvdnaguovddáža ovdaprošeakta
Nuortalaš kulturjahki 2026 – Prošeakta 200 000  
Kártet, hálddašit ja suodjalit ávnnaskeahtes kulturárbbi - prošeakta 150 000  
Bargojoavku ásahit institušuvnnalaš ruovttu vuelie/luohtái/vuolle - prošeakta 300 000  
Saami Council Headquarters – njuolggodoarjja 300 000 KulturSápmi 2024 čađaheapmi
Guovdageainnu Lagasradio (GLR) – njuolggodoarjja 500 000 100 000 ruvnno fásta lassáneapmi, 400 000 ruvnno investerendoarjagii ođđa jietna- ja báddenstudioi.
Čuovvolit Dïjreguedtie - Sámedikki dieđáhusa sámi mediaid birra - prošeakta 300 000  
Kulturmuittuid hálddašeapmi - ohcanvuđot doarjja 500 000 Fanassuodjalandoaimmaide
Fierpmádatdeaivvadeapmi - fanassuodjalus - seminára 100 000  
Sámi bázahusaid hálddašeapmi - prošeakta 500 000 Prošeakta etihkalaš ja máhttovuđot dohkálaš hálddašeami várás sámi olmmošlaš bázahusaid várás.
Iešsorbmema eastadeapmi Sámis - prošeakta 500 000  
Duohtavuođa- ja soabahankommišuvnna raportta čuovvoleapmi - prošeakta 3 000 000 Lágidit dilálašvuođa gulahallamii soabaheami birra.
Álgoálbmogiid biebmovuogádagat - prošeakta 250 000 Árktalaš biebmokonferánsa 2025 plánemii.
Regionála ovddidanprošeavttat - ohcanvuđot doarjja 350 000  
Interreg – ohcanvuđot doarjja 500 000  
Sámedikki vuorasolbmuidráđđi 200 000 Fásta lassáneapmi
Čielggadeapmi molssaevttolaš bušeahttamálliid birra - prošeakta 506 716  
Almmuhuvvon 13.05.2024 08.28
Maŋemusat rievdaduvvon 07.10.2024 13.45