Sámediggái morašlaš diehtu

Sámediggái morašlaš diehtu

Midjiide lei stuora moraš oažžut dieđu ahte Tromssa ja Finnmárkku fylkkaráđđejođiheaddji Bjørn Inge Mo jámii iežas ruovttus Gáivuonas sotnabeaivve čuovganeapmái. 

Bjørn Inge Mo lei roahkkadis ja čeahpes politihkkár. Son lei buorre politihkalaš jođiheaddji, lei čeahppi álggahit jaBjørn Inge Mo Foto:Sámediggi/Kenneth Hætta   jođihit áššiid, ja lei čeahppi ovttasbargat earáiguin. Sus lei nana dehálaš ahte politihkalaš mearrádusat galge nannet sihke báikkálaš- ja regionála servvodaga, ja son beroštii das mo olbmot davvin dáhtto hábmet oadjebas ja buriid servvodaga.  

 Viidásat lei son okta máŋgga guovddáš olbmuin geat ledje mielde proseassas mii buvttii historjjálaš Čáhppesvuovdeduopmu mas sámi vuoigatvuođat dohkkehuvvojedje riektevuogádagas. Su bargu mearrasápmelaččaid rivttiid ja sámegiela ovddas leat maid oasit su stuora servodatberoštumis maid son čájehii olu guovddáš jođihandoaimmaid bokte servodagas. 

Mo:s lei guhkes politihkalaš karrieara ja son lei Tromssa bargiidbellodaga jođiheaddji 2005:s gitta 2014 rádjái. Son lei maid sámediggeáirras 2017:s dassái go oaččui virgelobi ámmáhis 2020:s. Mo lei maid sátnejođiheaddji Gáivuonas 2003:s gitta 2015 rádjái. 

Su fáhkka vádjoleapmi lea stuorra vahágin politihkalaš Sápmái ja Norgii. 

Min jurdagat mannet su bearrašii ja su lagas  ustibiidda, su bellodatustibiidda ja fylkagieldda bargiide 

Ráfi lehkos su muittuin. 

Sámediggi dáhtto giitit Bjørn Inge Mo su guhkit áigge áŋgiruššamis sámi servvodaga ovdii. Su áŋgiruššan ii vajálduhtto.