Silje Karine Muotka Ørjan Marakatt Bertselsen

Sámediggeráđi golbma politihkalaš ráđđeaddi galget veahkehit ollašuhttit Sámedikki politihkalaš ulbmiliid, ja doarjut presideantta ja sámediggeráđi barggu guovddáš áššesurggiin. 

– Mánočalbmi-julggaštus lea min oktasaš politihkalaš vuođđu boahttevaš njealji jahkái. Lean ilus go mis lea nanu ráđđeaddijoavkku mii galgá veahkehit ollašuhttit min politihkalaš ulbmiliid ja nannet Sámedikki barggu olles Sámi ovddas, dadjá sámediggepresideanta Silje Karine Muotka (NSR).

Sámediggepresideanta deattuha ahte ráđđeaddiin šaddá lagas ovttasbargu sámediggeráđiin ja hálddahusain, vai sihkkarastit ahte Sámedikki politihkalaš bargu ovdána.

Muhtun áššesurggiin ovttasbarget buot ráđđeaddit, erenoamážit Mánočalbmi-julggaštusa golmma váldoprošeavttas: vuoigatvuođat, demokratiijaovddideapmi ja oadjebas Sápmi.

Dasa lassin oažžu juohke ráđđeaddi sierra ovddasvástádussurggiid:

Aina Madelén Nordsletta Aslaksen Árvu/Sametinget

Aina Madelén Aslaksen Nordsletta 

• Čuovvu presideantta bargosurggiid
• Giellapolitihkka
• Biebmu ja biebmovuogádagat
• Nuoraidpolitihkka
• Kultuvra

Håkon Mudenia 

• Guolásteapmi, luossa ja meahcci

Håkon Mudenia Árvu/Sametinget

• Davviguovllut  
• Dálkkádat, biras ja energiija
• Minerálahálddašeapmi
• Suodjalus- ja sihkarvuođapolitihkka 
• Digitaliseren ja goanstajierbmi
• Mediat  

Nils Ánte Oskal Eira 

Nils Ánte Oskal Eira Árvu/Sametinget

• Bušeahtta ja doarjjanjuolggadusat 
• Boazodoallu
• Boraspiret, suodjaluvvon guovllut ja areálaáššit
• Mánáidgárdi, skuvla ja alitoahppu 
• Girku ja eallinoaidnu
• Vuorasolbmuidpolitihkka