– Bargu eamiálbmogiid biebmovuogádagaiguin lea dehálaš danne go lea sáhka biebmokultuvrras, dearvvašvuođas,
vuoigatvuođain ja min čatnaseamis iežamet areálaide ja luondduresurssaide. Min árbevirolaš máhtut ja min
Sámediggepresideanta Silje Karine Muotka ovttas ON eamiálbmotáššiid bistevaš foruma jođiheddjiin Darío José Mejía Montalvo.
eallinvuohki lea huksejuvvon min biebmovuogádagaide. Lea ceavzil ja dehálaš min kultuvrii, dearvvašvuhtii ja boahtteáigái ahte mii sihkkarastit dan ahte sáhttit eallit ođasmahtti resurssaiguin mat gávdnojit Sámis, dadjá sámediggepresideanta Silje Karine Muotka (NSR).
Sámediggepresideanta lea nammaduvvon árktalaš miellahttun eamiálbmotlihtu stivrenjovkui. Presideanta lea váldán badjelasas erenoamáš ovddasvástádusa guolástusáššiide, maidda son lea focal point. Son lea maid koordináhtor dutkanstrategiijaide ja ovttasbargui máhtu birra.
– Lean hui ilus go ON áigu nannet barggu eamiálbmogiid biebmovuogádagaid birra. Mis leat ceavzilis biebmovuogádagat eamiálbmogin, ja mii sáhttit olu váikkuhit máilmmiviidosaččat. Muhto maiddái mis leat stuora máilmmiviidosaš hástalusat dálkkádatroasuiguin ja luondduroasuiguin. Dalle dárbbašit máilmmiviidosaš čovdosiid, ja ahte eamiálbmogat oassálastet go mearrádusat dahkkojit. Lean maid ilus go Norgga ON-delegašuvdna Romas lea bidjan návccaid bargui, dadjá sámediggepresideanta.
Beaiveálgu-julggaštusas leat biebmovuogádagat dego rukses árpu, ja leat maid ovddiduvvon dasa mii galgá vuoruhuvvot riikkaidgaskasaš suorggis.
– Min biebmovuogádagat eai leat dušše biebmokultuvra, muhto lea maid sáhka luondduresurssaid fidnemis, ja bivddu, guolásteami, háhkama, boazodoalu ja eanadoalu birra. Barggu bokte háliidit nannet iežamet biebmovuogádagaid Sámis. Mii leat vásihan sihke guohtunroasuid, luossabivddu giddema Deanočázádagas, ođđa náliid dego ruoššaluossa ja makrealla, unnán ipmárdusa loddemii ja areálagáržžidemiid. Ja mis leat reguleremat biebmoreidemis mat hehttejit min biebmokultuvrra, dadjá Muotka.
Eamiálbmotlihtu almmuheapmi lei ovttasbargguin Boaššu Food Labain ja Riikkaidgaskasaš Boazodoalloguovddážiin.
Gažaldagaid vástida dahje jearahallama addá sámediggepresideanta Silje Karine Muotka, silje.karine.muotka@samediggi.no