Sámediggeráđđi juolludii 300 000 ruvnnu Sámi duodje- ja designmárkaniid Romssa duodji- ja fashion lea ožžon 300 000 kr. doarjaga čalmmustahttit duoji ja sámi designa Romssas. Váldoulbmil lea doallat stuorát sámi motačájeheami ja duodjemárkana golggotmánu 29. ja 30. beivviid. Prošeakta lea ovttasbargu gaskal Nina Casting & Costumes, Gáisi giellaguovddáža ja Duodjeinstituhta. UlbmilHans Ole Eira Åse M. P. Pulk/Sámediggi doaluin lea čalmmustahttit ja nannet márkanfievrrideami sámi duojis ja designas. – Dat lea dehálaš ahte eambbogat fuomášit ja beroštišgohtet sámi duojis, sámi designas ja diehttalas sámi kultuvrras, lohká sámediggeráđđi Hans Ole Eira (GB). Sámediggeráđis leat vuordámušat ahte dáin doaluin de čalmmustahttet duoji ja ođđamállet sámi designa ja ulbmilin lea nannet dán suorggi. – Oasálastin dáin doaluin mielddisbuktá buoret márkanfievrrideami ja ovddida sámi ealáhusaid ovdáneami, lohká Eira. Mote- ja duodjemárkan čađahuvvo seamma áigge go leat Sámi giellavahkkus doalut Romssas. Jearahallama ja gažaldagaid vástida sámediggeráđđi (Gb), hans.ole.eira@samediggi.no Almmuhuvvon 07.09.2022 12.53 Maŋemusat rievdaduvvon 20.03.2023 09.57