Hauge Fishing AS Deanus lea ožžon 300 000 ruvnno oastit guolástusfatnasa ja -bargobiergasiid. Fitnodat lea ođđa álggaheaddji ja galgá álgojurdagiin doaimmahit guolásteami Várjavuonas.

Holmgren Kystfiske AS Fálesnuori suohkanis lea ožžon 290 000 ruvnno oastit guolástusfatnasa ja -bargobiergasiid.

Sihke Deatnu ja ovddeš Fálesnuori suohkan leat siskkobealde Sámedikki doaibmasuorggi, mii dagaha ahte fitnodagat guovllus sáhttet Sámedikkis ohccát doarjaga oastit guolástusfatnasa.

• Mii leat ilus go sáhttit doarjut doarjagiin ođđa álggaheddjiid ja mii doaivut ahte háhkamušat sáhttet váikkuhit lassi bargosajiide ja árvolassáneapmái min doaibmasuorggis, lohka Sámediggepresideantta Silje Karine Muotka (NSR).

Doarjagat addojit doarjjaortnegis Doarjja vuođđoealáhusaide – Mariidnaealáhusat.

Jus áiggut jearahallat dahje jus leat gažaldagat, váldde oktavuođa sámediggepresideanttain Silje Karine Muotka (NSR),  silje.karine.muotka@samediggi.no