Dát lea vuosttaš geardde go Sámediggeráđđi ja NTNU jođihangoddi deaivvadit dákkár čoahkkimis.

Čoahkkima ulbmilin lei oahpásnuvvat mo NTNU bargá sámi fáttáiguin, ja mo universitehta áigu čuovvolit Duohtavuođa- ja seanadankommišuvnna raportta.

– Sámediggái lea dehálaš gulahallat akademiijain,  ja erenoamážit ásahusaiguin main lea ovddasvástádus sámi áššiin, dadjá sámediggeráđđi Maren Benedicte Nystad Storslett.

NTNU ovdanbukte mo sii odne barget sámi fáttáiguin, ja čoahkkimis ovdanbukte earret eará ođđa ovttasbargoprošeavtta Saemien Sijte:in, máttasámi musea ja kulturguovddáš. Prošeavtta boađusin galgá leat historjjagirji máttasámiid birra..

– Dát lea dehálaš álgu. Mii dárbbašit nannoset máhttovuođu lullisámi historjjá birra, dadjá Storslett.