Sámediggeráđđi áigu čilget dálá politihka suorggis, ja barggu duogáža ja digaštallat dárbbu viidáset čuovvoleapmái. Sámediggeráđđi háliida maiddái ahte Sámedikki dievasčoahkkimis galgá leat vejolašvuohta digaštallat čuolmmaid mat leat čadnon eamiálbmogiid biebmovuogádagaide ja sámi bibmui. Dát čilgehus lea Sámedikki meahcásteami dieđáhusa ovdabargu.
Eamiálbmogiid biebmovuogádagat lea viiddis fáddá. Guovddážis leat biebmovuogádagat, biebmu, biebmosihkkarvuohta ja guoddevaš biebmoárbevieruid áimmahuššan.
Sámediggepresideanta Silje Karine Muotka
Ørjan Marakatt Bertelsen
Sámediggeráđđi áigu čilget dálá politihka suorggis, ja barggu duogáža ja digaštallat dárbbu viidáset čuovvoleapmái. Sámediggeráđđi háliida maiddái ahte Sámedikki dievasčoahkkimis galgá leat vejolašvuohta digaštallat čuolmmaid mat leat čadnon eamiálbmogiid biebmovuogádagaide ja sámi bibmui. Dát čilgehus lea Sámedikki meahcásteami dieđáhusa ovdabargu.
Eamiálbmogiid biebmovuogádagat lea viiddis fáddá. Guovddážis leat biebmovuogádagat, biebmu, biebmosihkkarvuohta ja guoddevaš biebmoárbevieruid áimmahuššan.
Biebmovuogádagat eai leat dušše biebmokultuvra, muhto das lea maiddái sáhka leatgo biebmoresurssat dábuheamis, ja bivddu, guolásteami, čoaggima, boazodoalu ja eanadoalu birra. Go luondduresurssaid dábuheapmi gildojuvvo dahje gáržžiduvvo, de sáhttá dat duođalaččat čuohcit biebmosihkkarvuhtii ja kultuvrralaš seailumii. Sámi oktavuođas sáhttá earret eará čujuhit guohtunroasuide, luossabivddu giddemii Deanučázádagas, ođđa šlájaide nugo ruoššalussii ja makrellii, váilevaš loddenipmárdussii (čáhceloddebivdu giđđadálvvi) ja areálasisabahkkemiidda.
Sámediggeráđđi vuoruha ON Food Systems Summit-čuovvoleami ja biebmovuogádagaid sámi kultuvrra ja identitehta oassin. Biebmosihkarvuođa ja biebmogearggusvuođa sihkkarastin lea guovddážis barggus. Biebmosihkarvuohta deattuha leago biebmu beaivválaččat dábuheamis ja biepmu kvalitehta. Biebmogearggusvuohta lea dan birra ahte leat gearggus heahtediliide mat sáhttet váikkuhit biebmolágádussii, ovdamearkka dihte dálkkádatrievdamat, riiddut ja luondduroasut.
Sámediggepresideanta Silje Karine Muotka dadjá ahte dál go lea máilmmiviidosaš eahpesihkarvuohta, de lea deaŧaleabbo go goassege ovdal ahte mii nannet iežamet birgejumi.
– Dát lea vealtameahttun deaŧalaš min biebmosihkarvuhtii ja dasa ahte dustet roasuid. Mis ii leat dušše dárbu biebmogearggusvuhtii, mis lea maiddái vuoigatvuohta dasa. Mii fertet sihkkarastit ahte min servodagas leat dárbbašlaš resurssat ja ahte sáhttit bisuhit min árbevieruid ja kultuvrra maiddái eahpesihkkaris áiggiin.
Ášši 054/24 Sámediggeráđi čilgehus eamiálbmogiid biebmovuogádagaid ja sámi biepmu birra meannuduvvo Sámedikki dievasčoahkkimis gaskavahku juovlamánu 4. beaivvi.
Loga áššebáhpiriid: 054/24 Sámediggeráđi čilgehus álgoálbmogiid biebmosystemaid ja sámi biepmu birra