- Mun sávan guktuide lihkku dehálaš ja guovddáš doibmii Sámi servodagas. Sámi allaskuvla lea dehálaš ásahus sámi servodahkii miehtá sámi, mii galgá leat guovddážis ovdánahttimis sámi servvodaga. Mun illudan joatkit dan buori ovttasbargguin mii mis lea Sámi sllaskuvllain ođđa rektorgottiin ja sávan buot buriid sudnuide, dadjá sámediggepresideanta Silje Karine Muotka.

Njeallje maŋimuš jagi leaba Laila Susanne Vars ja Ylva Jannok Nutti jođihan Sámi allaskuvlla rektorgotti. Sámediggeráđđi Mikkel Eskil Mikkelsen giitá Vars ja Nutti buori ovddasbarggus.

- Háliidan giitit Laila Susanne Vars ja Ylva Jannok Nutti sihke buori ovddasbarggus ja maiddái dan nana barggus maid leaba dahkan buorrin olles sámi servodahkii. Sámediggi ja Sámi allaskuvllas lea leamaš buorre ovddasbargu muhtin oahppofálaldagaid ektui, mii lea buktán buori bohtosiid. Dán áigodagas leaba Vars ja Nutti bargan olu oainnusindahkat Sámi allaskuvlla miehtá sámi, earret eará ásahan gáiddusoahpahusa mii addá fleksibilitehta, maiddái suoma ja ruoŧa beal sámi. Dat lea dehálaš bargu ja dálá rektorgoddi lea bargan buori dán oktavuođas, dadjá sámediggeráđđi Mikkel Eskil Mikkelsen.