Sámediggeráđi ovddasvástádussuorggit

Sámediggeráđi ovddasvástádussuorggit

Sámediggepresideanta Silje Karine Muotka (NSR) lea juohkán sámediggeráđi ovddasvástádussurggiid odne.  

– Beaiveálgu-ráđis lea mus presideantta dábálaš áššesurggiid lassin, ovddasvástádus regionála- ja gávpotovddideamis, guolástusas, hutkás ealáhusain ja meahcásteamis. Dát áššesuorggit leat hui relevánttat min bargui oččodit olbmuid fárret sámi giliide, dadjá sámediggepresideanta Silje Karine Muotka (NSR).

– Sámediggeráđđi Runar Myrnes Balto galgá bargat bušeahtain. Son galgá maiddái bargat sámevaši eastademiin, mii lea ođđa ovddasvástádussuorgi sámediggeráđis. Oaidnit dárbbu áŋgiruššat dán suorggis, ja dan mii oaidnit duohtavuođa- ja seanadanbarggu oktavuođas, dadjá Muotka.

– Sámediggeráđis Maja Kristine Jåmas lea ovddasvástádus kultur-, dálkkádat-, biras- ja areálaáššiin. Majas lea buorre máhttu areálaáššiid birra ja galgá maid bargat kultursuorggis, mii lea stuora politihkkasuorgi Sámedikkis, dadjá Muotka.

– Sámediggeráđđái Hans Ole Eirai gullet ain dat áššesuorggit mat sus ledje ovddit sámediggeráđis, muhto lassin daidda leat su ovddasvástádussuorggit dál eanadoallu, boazodoallu, FeFo ja girkoáššit, dadjá Muotka.

– Sámediggeráđđi Mikkel Eskil Mikkelsen lea dahkan hui buori barggu giella- ja oahpahusáššiin daid maŋemus jagiid, ja dan barggu galgá joatkit. Váibmogiela čuovvuleapmi ja ođđa oahpahusláhka leat guokte stuora ja dehálaš ášši dás ovddas guvlui, loahpaha Muotka.

Beaiveálgu-ráđi ovddasvástádussuorggit:

 

Sámediggepresideanta Silje Karine Muotka

  • Vuoigatvuođat
  • Rájiid njeaidin ja oppasámi ja riikkaidgaskasaš bargu
  • Sirddolašvuohta, regionála ovdánahttin ja gávpotšiehtadusat
  • Hutkás ealáhusat, mátkeealáhus ja máŋggabealálaš ealáhusat
  • Guolásteapmi, luossa ja lotnolas- ja meahcástanealáhusat

Sámediggeráđđi Runar Myrnes Balto

  • Bušeahtta, jahkedieđáhus ja rehketdoallu
  • Sámevašši, duohtavuohta ja seanadeapmi
  • Dearvvašvuohta ja sosiála
  • Dásseárvu ja valljivuohta
  • Statistihkka
  • Digitaliseren

Sámediggeráđđi Mikkel Eskil Mikkelsen

  • Giella
  • Bajásšaddan, oahpahus ja dutkan
  • Nuoraidpolitihkka

Sámediggeráđđi Maja Kristine Jåma

  • Kultuvra
  • Dálkkádat, biras ja energiija
  • Areála
  • Mediat

Sámediggeráđđi Hans Ole Eira

  • Kulturmuittut ja visttesuodjalus
  • Árbevirolaš máhttu
  • Duodji
  • Vuorrasiidpolitihkka
  • Boazodoallu ja eanandoallu
  • Boraspire
  • Finnmárkku opmodat
  • Girku ja eallinoaidnu

Gulahallanolbmot:

sámediggepresideanta Silje Karine Muotka (NSR), tlf. 984 87 576
sámediggeráđđi Runar Myrnes Balto (NSR), tlf. 977 73 778
sámediggeráđđi Mikkel Eskil Mikkelsen (NSR), tlf. 917 42 161
sámediggeráđđi Maja Kristine Jåma (NSR), tlf. 472 42 366
sámediggeráđđi Hans Ole Eira (Sp), tlf. 918 61 471