– Mii háliidit doarjut mearrasámi ealáhusaid, ja heivehit sihke ođđa ja ásaiduvvon aktevrraide vejolašvuođa viidáset ovdánahttit doaimmaid. Dán doarjjavuoru oaidnit ealáhusa girjáivuođa – leat ođđamállet gieđahallanteknihkat ja bivdofatnasiid vuosttaš geardde oastimat, dadjá sámediggepresideanta Silje Karine Muotka.

Doarjja juolluduvvo Sámedikki mariidnaealáhusaid doarjjaortnegis.

Doarjaga ožžot:

• Gjesvær Service AS Keaisvágis oažžu 300 000 ruvnno doarjaga vistti huksemii liigebuktagiid galmmiheami ja ealli guoli vurkema váste. Áigot maiddái buvttadišgoahtit guoli mas lea alla kvalitehta Ikejime-vuogi mielde. Dat lea japánalaš vuohki mii galgá eastadit streassahormonaid váikkuheamis cuhppii, ja dasto buoridit buktaga kvalitehta. 
• Bernhardsen-Koi Fisk Deanus oažžu 250 000 ruvnno stuorebuš bivdofatnasa oastimii. Ulbmil lea sáhttit bivdit eambbo, vuosttažettiin merddiin, liinnain ja váđuin, ja doalvut varas kvalitehtaguoli báikkálaš guolleostiide.  
• Kr Libakken AS Deanus oažžu 300 000 ruvnno bivdofatnasa vuosttaš geardde oastimii. Ulbmil lea bargagoahtit birrajagi guolásteaddjin Deanuvuonas.