Fitnodat áigu vuoruhit mátkeealáhusa suohkanis ja oažžu doarjaga buoridit iežas ijastallankapasitehta. Sámediggi lea ollu jagiid addán doarjagiid báikkálaš fitnodagaide vai besset buoridit mátkeealáhusa earret eará Ivgus ja Davvi-Romssas.

– Mii háliidit ain váikkuhit dasa ahte mátkeealáhus sáhttá buvttadit árvvuid ja bargosajiid regiovdnii, dadjá sámediggepresideanta Silje Karine Muotka (NSR).

Ávžžuha eambbogiid ohcat doarjaga

– Mii háliidit leat mielde ovddideamen ealáhuseallima miehtá Sámi ja mii ávžžuhit buot lágan fitnodagaid Sámedikki doaibmaguovllus mat háliidit investeret dahje čađahit ovddidanprošeavttaid, váldit oktavuođa minguin, loahpaha sámediggepresideanta.

250 000 ruvdnosaš doarjja addojuvvo juohkelágan ealáhusaid doarjjaortnegis.