Komsa skuvla Álttá suohkanis háliida oahpahit ohppiide nállogoađi birra. Prošeavtta ulbmil lea boktit báikkálaš servodaga beroštumi sámegillii, kultuvrii ja historjái, ja nannet máhtolašvuođa ja rámisvuođa dasa.  

– Dát prošeakta lea hui buorre vejolašvuohta nannet ohppiid fágalaš ja sosiála gelbbolašvuođa. Go ovddidit sámi kultuvrra, de mii leat mielde ráhkadeamen fátmmasteaddji, gudnejahtti ja máhtolaš servvodaga masa buohkat dovdet gullevašvuođa, dadjá sámediggeráđđi Maren Benedicte Nystad Storslett (NSR).  

Porsáŋggu gielda háliida nannet skuvlamánáid máhtu báikkálaš mearrasámi kultuvrra birra, čoaggin- ja bivdoárbevieruid birra Porsáŋgguvuonas. Prošeavttas lea maid ulbmil movttiidahttit giellaovdáneapmái geavatlaš oahpahusa bokte. Oahppit guorahallet historjjálaš geavahanguovlluid, ja reflekterejit kultuvrra ja birasrievdademiid birra. 

– Oahppan geavatlaš barggu bokte lea sihke miellagiddevaš ja mávssolaš. Oahppit ohppet mávssolaš máhttu, mii lea jávkamin boarráset buolvva mielde. Mu mielas lea buorre go Porsáŋggu gielda háliida álggahit prošeavtta mii sáhttá leat mielde ovdánahttimin ohppiid mearrasámi identitehta ja gullevašvuođa, lohká sámediggeráđđi Nystad Storslett.