Sámi musea álggahan prošeavtta ulbmil lea ásahit rávvenbálvalusa gehččiide geat beroštit giehtabarggus ja árbevirolaš máhtus mii guoská vistegáhttemii. Mihttu lea ásahit rávvenvirggi mii rávve ja bagada ráfáidahttojuvvon visttiid divodeamis.

– Lea dehálaš ahte gáhttenárvosaš sámi visttiid divodeaddjit ja eaiggádat ožžot dárbbašlaš bagadeami vai sáhttet áimmahuššat báikkálaš duodjevieruideamet. Dainna lágiin suodjalit mii iežamet boares visttiid ja kulturárbbi, ja mii leat ilus go Sámediggi sáhttá doarjut dán barggu, dadjá politihkalaš ráđđeaddi Anne Henriette Nilut (NSR).

Dehálaš oassi prošeavttas lea ásahit ođđa neahttasiiddu mii veahkkin nanne fierpmádaga ja juogada máhtolašvuođa guovllus.

– Prošeakta dahká dán árvvolaš máhtu olámuttolažžan digitála vuođđovuogádagas, vai mii sáhttit seailluhit ja juogadit dehálaš árbevirolaš máhtu álkes ja praktihkalaš vugiin. Dát dahká maid boahttevaš buolvvaide vejolažžan atnit ávkki, seailluhit ja viidásetfievrridit guovllu sámi kulturárbbi, loahpaha Nilut.

Prošeakta lea Sámedikki, Lulli-Romssa musea ja Romssa fylkkasuohkana ovttasbarggu joatkka, ja doarjja addojuvvo ásahusovddideami doarjjaortnega bokte.