– Sámevašši maid Elle Nystad ja eará sápmelaččat vásihedje Romssa gávpogis vahku dassái čájeha čielgasit dárbbu dán doaibmaplánii. Sámediggeráđis leat mii dađi bahábut oaidnán dárbbu ovddidit dán ášši bajimus dássái, dadjá Runar Myrnes Balto (NSR), sámediggeráđđi geas lea politihkalaš ovddasvástádus bargui sámevaši vuostá iežas.

Loga Sámedikki doaibmaplána sámecielaheami vuostá (PDF, 606 kB)

Doaibmaplánas lea 17 doaimma mainna Sámediggi bargá jagi 2025 vuostá. Dat sisttisdoallá doaimmaid maid Sámediggi ieš áigu čađahit, ja doaimmat mat gáibidit ovttasbarggu ja ahte nationála eiseválddit váldet iežaset ovddasvástádusa áššis.

– Mii dáhttut ásahit sierra doarjjaortnega prošeavttaide mat galget eastadit 

Runar Myrnes Balto

  sámevaši. Mii dáhttut nannet Sámedikki ovttasbarggu bolesiiguin, ja seammás ávžžuhit Stádaadvokáhta guorahallat makkár kvaliteahta lea bolesa barggus sámevašiin. Dasa lassin gáibidat ahte Ráđđehus rahkada iežas doaIbmaplána sámevaši vuostá, lohká Myrnes Balto.

Sámediggeráđđi lea viežžan vásáhusaid birrasiin mat barget sámevaši áššiin, ja dasa lassin lea leamašan rabas oaivillonohallan.

– Lea erenoamáš guokte beali mat ovddiduvvojit dávjá. Nubbi lea dárbu nannet majoritehtaálbmoga gelbbolašvuođa sámiid ja sámi historjjá birra, ja nubbi lea dárbu oažžut veahki ja bagadeami go vásiha vaši. Mii árvalat danin ahte ásahuvvo áittardeaddjidoaibma mii fokusere dušše sámevaši-bargui. Dát doaibma gulašii lunddolaččat Dásseárvo- ja vealahanáittardeaddjái. Dasa lassin galgat ráhkadit bagadusa mo váidit sámevaši guoski áššiid, dadjá Myrnes Balto.

Sámedikki doaibmaplána sámevaši vuostá meannuduvvo Sámedikki lávdegoddečoahkkimis miessemánu 30. beaivvi rájes gitta geassemánu 5. beaivvi rádjai, ja loahpalaččat Sámedikki dievasčoahkkimis, mii lea geassemánu 13.-17. beivviid.

Jearahallama addá dahje vástida gažaldagaide sámediggeráđđi Runar Myrnes Balto (NSR), +47 977 73 778, runar.myrnes.balto@samediggi.no.